ఇంటర్ రీ వెరిఫికేషన్, రీ కౌంటింగ్‌, సప్లిమెంటరీ ఫీజు చెల్లింపునకు గడువు పెంపు

ఇంటర్ బోర్డు ముట్టడికి విద్యార్థి సంఘాలు పిలుపునివ్వడంతో విద్యార్థులు, వారి తల్లిదండ్రులు అక్కడకు భారీగా చేరుకుని రెండో రోజూ ఆందోళన నిర్వహించారు. ఇంటర్‌లో తమకు అన్యాయం చేశారని, రీ-వెరిఫికేషన్ కోసం అప్లై చేసుకుందామంటే వెబ్‌సైట్ ఓపెన్ కావడంలేదంటూ విద్యార్థులు ఆందోళన వ్యక్తం చేసిన నేపథ్యంలో అధికారులు స్పందించారు.

ఇంటర్‌ పేపర్‌ రీ-వెరిఫికేషన్‌, రీకౌంటింగ్‌కు మరో రెండు రోజులు గడువు పెంచారు. దీంతో పాటు సప్లిమెంటరీ ఫీజు చెల్లింపునకు కూడా మరో రెండు రోజుల పాటు గడువును పొడిగించారు. పరీక్ష ఫీజు చెల్లింపునకు ఈ నెల 27 వరకూ గడువు పొడిగించినట్టు అధికారులు తెలిపారు.