గర్భవతి అయిందనే వార్తలపై అనుష్క శర్మ స్పందన!

టీమిండియా కెప్టెన్ విరాట్ కోహ్లీ, బాలీవుడ్ భామ అనుష్క శర్మలు గత ఏడాది వివాహబంధంతో ఒక్కటైన సంగతి తెలిసిందే. ఇక అనుష్క గర్భం దాల్చిందంటూ కొన్ని రోజులుగా జోరుగా ప్రచారం సాగుతోంది. ఈ కారణంగానే సినిమాలకు అనుష్క గ్యాప్ ఇచ్చిందని అంటున్నారు. ఈ వార్తలపై అనుష్క స్పందించింది. ఎవరైనా పెళ్లిని దాచగలరుకానీ, గర్భాన్ని దాచగలరా? అని ప్రశ్నించింది. ఇలాంటి పుకార్లను తాను ఏ మాత్రం పట్టించుకోనని చెప్పింది. సినీ పరిశ్రమలో ఉన్న వారిపై ఇలాంటి పుకార్లు రావడం సహజమేనని తెలిపింది. పెళ్లి కాకుండానే వివాహితను చేయడం, గర్భం దాల్చకుండానే తల్లిని చేయడంలాంటివి జరుగుతుంటాయని మండిపడింది.