నాడు కేటీఆర్‌తో, నేడు కేసీఆర్‌తో.. బీజేపీ అభ్యర్థి ఆకుల విజయ ఢీ!

తెలంగాణ ముందస్తు ఎన్నికల బరిలో తలపడుతున్న బీజేపీ మహిళా మోర్చా రాష్ట్ర అధ్యక్షురాలు ఆకుల విజయ ఓ ప్రత్యేకతను సొంతం చేసుకున్నారు. వరుస ఎన్నికల్లో తండ్రీకొడుకులపై పోటీ చేసిన ఘనత దక్కించుకుంటున్నారు. రాష్ట్రం ఆవిర్భవించాక 2014లో తొలిసారి జరిగిన ఎన్నికల్లో విజయ సిరిసిల్ల నియోజకవర్గం నుంచి పోటీ చేశారు. అప్పట్లో అమె ప్రత్యర్థి, కేసీఆర్‌ తనయుడు కేటీఆర్‌. ఈ ఎన్నికల్లో దీటైన పోటీ ఇచ్చిన విజయ మొత్తం 14,494 ఓట్లు దక్కించుకుని మూడో స్థానంలో నిలిచారు. ఈసారి గజ్వేల్‌కు మారారు. ఇక్కడ రాష్ట్ర ముఖ్యమంత్రి, టీఆర్‌ఎస్‌ అధినేత కేసీఆర్ తో తలపడుతున్నారు. ఈసారి ఆమె ప్రభావం ఎలా ఉంటుందో చూడాలి మరి.