Sairaa: 'సైరా'లో గోసాయి వెంకన్నగా అమితాబ్... మోషన్ టీజర్ చూడండి!
- 'సైరా'లో నటిస్తున్న పలువురు అగ్రతారలు
- అమితాబ్ ఫస్ట్ లుక్ తో మోషన్ టీజర్ విడుదల
- నరసింహారెడ్డికి గురువుగా కనిపించనున్న బిగ్ బీ
మెగాస్టార్‌ చిరంజీవి హీరోగా షూటింగ్ జరుపుకుంటున్న 'సైరా'లో పలువురు అగ్రతారలు నటిస్తున్న సంగతి తెలిసిందే. ఈ సినిమాలో బాలీవుడ్‌ మెగాస్టార్‌ అమితాబ్ బచ్చన్‌ సైతం ఓ కీలక పాత్రలో కనిపించనున్నాడు. నేడు అమితాబ్ 76వ పుట్టిన రోజు సందర్భంగా చిత్ర యూనిట్‌ మోషన్ టీజర్ ను అధికారికంగా విడుదల చేసింది. ఈ సినిమాలో ఉయ్యాలవాడ నరసింహారెడ్డి గురువు గోసాయి వెంకన్నపాత్రలో అమితాబ్ కనిపిస్తాడని పేర్కొంది. పవర్‌ ఫుల్‌ లుక్ లో అమితాబ్ కనిపిస్తూ, సినిమాపై అంచనాలను మరింతగా పెంచారు. కాగా, చిరంజీవి కెరీర్ లో 151వ చిత్రంగా ఈ సినిమాను ఆయన కుమారుడు రామ్ చరణ్ నిర్మిస్తున్నాడు.
