చరణ్ మూవీకి పవన్ టైటిల్

చరణ్ కథానాయకుడిగా బోయపాటి దర్శకత్వంలో ఒక సినిమా రూపొందుతోంది. యాక్షన్ విత్ ఫ్యామిలీ ఎంటర్టైనర్ గా ఈ సినిమా నిర్మితమవుతోంది. డిఫరెంట్ లుక్ తో చరణ్ కనిపించే ఈ సినిమాలో కైరా అద్వాని కథానాయికగా నటిస్తోంది. ఈ నేపథ్యంలో ఈ సినిమాకి 'స్టేట్ రౌడీ' అనే టైటిల్ ను పెట్టనున్నట్టు కొన్ని రోజులుగా వార్తలు వస్తున్నాయి. గతంలో ఈ టైటిల్ తో చిరంజీవి సినిమా ఉండటం వలన, అందరిలో ఆసక్తి పెరిగింది.

ఇక ఇప్పుడు ఈ సినిమాకి 'తమ్ముడు' అనే టైటిల్ ను పరిశీలిస్తున్నారనేది తాజా సమాచారం. ఈ సినిమాలో ప్రశాంత్ .. ఆర్యన్ రాజేశ్ లకి తమ్ముడిగా చరణ్ కనిపించనున్నాడు. అందువలన ఈ టైటిల్ పెట్టాలనే ఉద్దేశంతో దర్శక నిర్మాతలు వున్నట్టుగా సమాచారం. పవన్ కల్యాణ్ కెరియర్లో 'తమ్ముడు' చెప్పుకోదగిన చిత్రంగా నిలిచిన సంగతి తెలిసిందే. అలాంటి టైటిల్ ను చరణ్ కి వాడటం వలన సినిమా పట్ల మరింత క్రేజ్ పెరుగుతుందని భావిస్తున్నారట. ఇందులో వాస్తవమెంతన్నది చూడాలి మరి.