ద‌ర్శ‌కుడు పి. వాసు చ‌నిపోయాడంటూ వార్తలు... ఖండించిన ద‌ర్శ‌కుడు

తెలుగు, త‌మిళ‌, క‌న్న‌డ‌, మ‌ల‌యాళ‌, హిందీ భాష‌ల్లో చిత్రాలు తీసి త‌న‌కంటూ ప్ర‌త్యేక గుర్తింపు తెచ్చుకున్న ప్ర‌ముఖ ద‌ర్శ‌కుడు పి. వాసు చ‌నిపోయాడంటూ కొన్ని మెసేజ్‌లు వాట్సాప్‌లో చ‌క్క‌ర్లు కొడుతున్నాయి. వీటిని చూసి అభిమానులు ఆందోళ‌న చెంద‌డంతో, ఈ వార్త‌లను ఖండిస్తూ ఆయ‌నే స్వ‌యంగా ఓ వీడియో మెసేజ్‌ను విడుద‌ల చేశారు.

తాను చాలా ఆరోగ్యంగా ఉన్నాన‌ని, వాట్సాప్ మెసేజ్ చూడ‌గానే త‌న‌కు న‌వ్వొచ్చింద‌ని, అభిమానులు ఆందోళ‌న చెంద‌వ‌ద్ద‌ని ఆయ‌న వీడియోలో పేర్కొన్నారు. అంతేకాకుండా ఈ ఏడాది మూడు సినిమాల‌కు ద‌ర్శ‌క‌త్వం వ‌హించ‌బోతున్న‌ట్లు వాసు వీడియోలో తెలిపారు. గ‌తంలో కూడా చాలా మంది ద‌ర్శ‌కులు, న‌టులు మ‌ర‌ణించినట్లు త‌ప్పుడు వార్త‌లు వ‌చ్చిన సంగ‌తి తెలిసిందే.