ఈ రోజు ఇలా అంటున్నవారు.. ఆ రోజు కనీసం నేనెక్కడున్నానో కూడా పట్టించుకోలేదు!: పోసాని కృష్ణమురళి

సినిమా షూటింగ్ కోసం పోసాని కృష్ణమురళి ఇంటి నుంచి కాలు బయటపెట్టాలంటే రోజుకి లక్ష రూపాయలు తీసుకుంటాడంటూ ఫిల్మ్ నగర్లో ఓ టాక్ వుంది. దీని గురించి ఆయన మాట్లాడుతూ, 'అవును నిజమే...పోసాని కృష్ణమురళి సినిమాలు తీసి చేతులు కాల్చుకుని నిండా అప్పుల్లో మునిగిపోయినప్పుడు వీరంతా ఏమయ్యారని ప్రశ్నించారు.

ఆస్తులు అమ్ముకుని కష్టాలపాలైనప్పుడు వీరెందుకు మాట్లాడలేదని అడిగాడు. అప్పుడు స్పందించని వీరంతా ఇప్పుడు మాత్రం పోసాని కృష్ణమురళి 'ఇంత' డబ్బు తీసుకుంటాడనడం సరికాదని పేర్కొన్నాడు. ఒకప్పుడు ఆస్తులు అమ్ముకోవడమే కాకుండా, అప్పులు కూడా చేశానని, ఇప్పుడు అవన్నీ తీర్చేశానని అన్నాడు. పని చెయ్యకపోయినా కూర్చుని తినేంత ఆస్తిని తెలుగు చిత్రపరిశ్రమ తనకు ఇచ్చిందని పోసాని తెలిపాడు. ఇందుకు తెలుగు చిత్రపరిశ్రమకు తాను రుణపడి ఉంటానని చెప్పాడు.