దూసుకొచ్చిన ఎద్దు... హేమమాలినికి తృటిలో తప్పిన ప్రమాదం... వీడియో చూడండి!

పార్లమెంట్ సభ్యురాలు హేమమాలిని, మధుర రైల్వే స్టేషన్ లో ఆకస్మిక తనిఖీలకు వెళ్లిన వేళ, పెను ప్రమాదం నుంచి తప్పించుకున్నారు. ఆమె స్టేషన్ లో నడిచి వస్తుండగా, ఓ ఎద్దు అదుపు తప్పి స్టేషన్ లోకి దూసుకు వచ్చింది. దాన్ని అదుపు చేయాలని కొంతమంది ప్రయత్నించడంతో, బెదిరిపోయి పరుగులు తీసింది. ఆ సమయంలో భద్రతా సిబ్బంది అప్రమత్తంగా వ్యవహరించి, ఆమె చుట్టూ నిలబడి, ఆమెను పక్కకు తప్పించారు. ఎద్దు కూడా పక్కనుంచి వెళ్లిపోవడం, ప్రమాదం తప్పడంతో అందరూ ఊపిరి పీల్చుకున్నారు.

ఆపై రైల్వే స్టేషన్ లో పశువులు తిరగడంపై హేమమాలిని మండిపడ్డారు. ఈ పరిస్థితి ఎందుకు వచ్చిందని అధికారులను నిలదీశారు. నిర్లక్ష్యంగా వ్యవహరిస్తే ఊరుకోబోనని హెచ్చరించారు. ప్రజలకు సైతం సౌకర్యాలు లభించడం లేదని క్లాస్ తీసుకున్నారు. ఎద్దు దూసుకొచ్చిన వీడియోను మీరూ చూడవచ్చు.