'నా షేమ్ లెస్ సెల్ఫీ ఇదే' అన్న దంగల్ నటి... లక్షల్లో లైక్ లు వేలల్లో తిట్లు!

గత కొంతకాలంగా తనకు బెదిరింపులు వస్తున్నాయని, సోషల్ మీడియా ఖాతాల్లో పోకిరీలు కొందరు అసభ్యకరంగా మెసేజ్ లు పెడుతున్నారని వాపోతున్న 'దంగల్' నటి ఫాతిమా సనా షేక్, మరోసారి వార్తల్లో నిలిచింది. కాస్త బోల్డ్ గా ఓ సెల్ఫీ తీసుకుని, 'నా షేమ్ లెస్ సెల్ఫీ ఇదే' అంటూ తన ఇన్ స్టాగ్రామ్ లో ఓ పోస్టు పెట్టింది.

ఇక ఆ మరుక్షణం నుంచి కామెంట్లు వెల్లువెత్తాయి. నువ్వు నిజంగా సిగ్గులేకుండానే ఇలాంటి ఫోటో పెట్టావని కొందరు తిడితే, ఈ ఫోటోలు నీపై గౌరవాన్ని తగ్గిస్తున్నాయని మరికొందరు నిప్పులు చెరిగారు. ఈ ఫోటో దాదాపు లక్ష లైకులు సంపాదించగా, వేల కొలదీ కామెంట్లు తెచ్చుకుంది. ఇటీవలి బీచ్ లో కూర్చుని ఉన్న ఫోటోను ఫాతిమా పోస్టు చేసిన సంగతి తెలిసిందే. ఫాతిమా పోస్టు చేసిన తాజా ఫోటోను మీరూ చూడండి.