భార్యల కంటే హీరోయిన్లతోనే హీరోలు ఎక్కువ సమయం గడుపుతారు.. సునీత అహుజా వ్యాఖ్యలు వైరల్‌

బాలీవుడ్‌ హీరోలు భార్యలతో గడిపే సమయం కంటే హీరోయిన్లకే ఎక్కువ టైమ్‌ కేటాయిస్తారని గోవింద భార్య సునీతా అహూజా చేసిన వ్యాఖ్యలు ఇప్పుడు చర్చనీయాంశంగా మారాయి. సహనటులు కలిసి ఎక్కువ సమయం పనిచేసినప్పుడు వారిమధ్య సాన్నిహిత్యం ఏర్పడటం సహజమేనని ఆమె చెప్పారు.

‘లాక్‌ అప్‌ 2’లో శివాంగి జోషి, హర్షద్‌ చోప్రా మధ్య కనిపించిన సాన్నిహిత్యంపై సునీతా స్పందించారు. ఇద్దరూ కలిసి పనిచేశారు కాబట్టి బాండింగ్‌ ఏర్పడటం సహజమేనని అన్నారు. హర్షద్‌ను శివాంగి ఉపయోగించుకుందని వచ్చిన ఆరోపణలను ఆమె తప్పుబట్టారు.

షూటింగ్‌ సమయంలో శివాంగి తల్లి తన కోసం ఇంటి నుంచి భోజనం పంపించడంతో పాటు ఇతర అవసరాలు చూసుకునేవారని సునీతా గుర్తుచేశారు. మనుషుల మధ్య ఇలాంటి అనుబంధాలు సహజంగా ఏర్పడతాయని చెప్పారు.

ఇక రొమాంటిక్‌ సన్నివేశాల్లో నటించినంత మాత్రాన ఇద్దరి మధ్య ఎఫైర్‌ ఉందని అనుకోవద్దని సునీతా స్పష్టం చేశారు. కొంత సాన్నిహిత్యం ఏర్పడొచ్చని, అది వారి వ్యక్తిగత విషయమని అన్నారు. హర్షద్‌, శివాంగి ఇద్దరూ తనతో మంచిగానే ఉన్నారని, తాను వారిని ఎప్పుడూ ఆ కోణంలో చూడలేదని తెలిపారు.

‘లాక్‌ అప్‌ 2’ సమయంలో హర్షద్‌, శివాంగి సాన్నిహిత్యంపై ప్రేక్షకుల్లో పెద్ద చర్చ జరిగింది. అయితే తామిద్దరం మంచి స్నేహితులమేనని వారు పలుమార్లు చెప్పారు. 

మరోవైపు సునీతా అహూజా, నటుడు గోవిందా దాంపత్య జీవితంపై కొనసాగుతున్న చర్చల నడుమ ఆమె తాజా వ్యాఖ్యలు ఆసక్తికరంగా మారాయి.