విశాఖ ఉక్కు భూముల అమ్మకం.. ఈ-వేలానికి కేంద్రం గ్రీన్ సిగ్నల్
- విశాఖ ఉక్కు కర్మాగారం భూముల అమ్మకానికి కేంద్రం చర్యలు
- మొత్తం 459 ప్లాట్లను ఈ-వేలం వేయనున్న ఎన్ఎల్ఎంసీ
- మద్దిలపాలెం, గాజువాక ఆటో నగర్లలో కీలకమైన ప్లాట్లు
- అక్టోబర్ 12, 16 తేదీల్లో ఆన్లైన్లో వేలం ప్రక్రియ
- ప్లాట్కు రూ.2 లక్షల ఈఎండీ.. ఆన్లైన్లో రిజిస్ట్రేషన్
విశాఖపట్నం ఉక్కు కర్మాగారం (రాష్ట్రీయ ఇస్పాత్ నిగమ్ లిమిటెడ్ - ఆర్ఐఎన్ఎల్)కు చెందిన విలువైన భూములను విక్రయించాలని కేంద్ర ప్రభుత్వం నిర్ణయించింది. నేషనల్ ల్యాండ్ మానిటైజేషన్ కార్పొరేషన్ (ఎన్ఎల్ఎంసీ) ఆధ్వర్యంలో ఈ-వేలం పద్ధతిలో ఈ భూముల విక్రయ ప్రక్రియను చేపట్టారు. ఎటువంటి వివాదాలు లేని, స్పష్టమైన యాజమాన్య హక్కులు కలిగిన మొత్తం 459 ప్లాట్లను విక్రయిస్తున్నట్లు ఎన్ఎల్ఎంసీ ప్రకటించింది.
విక్రయానికి ఉంచిన భూముల్లో అధిక శాతం నివాసయోగ్యమైన స్థలాలు ఉన్నాయి. విశాఖలోని మద్దిలపాలెం హెచ్బీ కాలనీలో 456 ఎంఐజీ, ఎల్ఐజీ ప్లాట్లను అమ్మకానికి ఉంచారు. జాతీయ రహదారి-16కు సమీపంలో, అన్ని మౌలిక సదుపాయాలతో ఈ ప్లాట్లు సిద్ధంగా ఉన్నాయి. వీటితో పాటు గాజువాక ఆటో నగర్లో వాణిజ్య, లాజిస్టిక్స్ అవసరాలకు అనువైన 2,728 చదరపు గజాల స్థలాన్ని, మరో రెండు నివాస ప్లాట్లను కూడా వేలం వేస్తున్నారు. వెరసి మొత్తం 93,572 చదరపు గజాల భూమిని విక్రయించనున్నారు.
ఈ ప్లాట్ల కోసం ఆన్లైన్ వేలం అక్టోబర్ 12, 16 తేదీల్లో జరగనుంది. రైల్టెల్ ఈ-నివిదా ప్లాట్ఫామ్ వేదికగా ఈ ప్రక్రియను నిర్వహిస్తారు. వేలంలో పాల్గొనదలచిన వారు ఆన్లైన్లో రిజిస్ట్రేషన్ చేసుకుని, కేవైసీ వివరాలను సమర్పించాల్సి ఉంటుంది. దరఖాస్తుదారులు ప్రతి ప్లాట్కు రూ.2 లక్షల చొప్పున ధరావత్తు (ఈఎండీ) చెల్లించాలి.
కేంద్ర ప్రభుత్వ రంగ సంస్థల ఆధీనంలో ఉన్న అదనపు, ప్రధానం కాని ఆస్తులను నగదీకరించే (మానిటైజేషన్) ప్రక్రియలో భాగంగానే ఈ విక్రయాలు చేపడుతున్నట్లు కేంద్రం స్పష్టం చేసింది. ఆర్ఐఎన్ఎల్ ఉక్కు మంత్రిత్వ శాఖ పరిధిలోని నవరత్న సంస్థ కాగా, ఎన్ఎల్ఎంసీ ఆర్థిక మంత్రిత్వ శాఖ ఆధ్వర్యంలో పనిచేసే శతశాతం ప్రభుత్వ యాజమాన్య సంస్థ.
విక్రయానికి ఉంచిన భూముల్లో అధిక శాతం నివాసయోగ్యమైన స్థలాలు ఉన్నాయి. విశాఖలోని మద్దిలపాలెం హెచ్బీ కాలనీలో 456 ఎంఐజీ, ఎల్ఐజీ ప్లాట్లను అమ్మకానికి ఉంచారు. జాతీయ రహదారి-16కు సమీపంలో, అన్ని మౌలిక సదుపాయాలతో ఈ ప్లాట్లు సిద్ధంగా ఉన్నాయి. వీటితో పాటు గాజువాక ఆటో నగర్లో వాణిజ్య, లాజిస్టిక్స్ అవసరాలకు అనువైన 2,728 చదరపు గజాల స్థలాన్ని, మరో రెండు నివాస ప్లాట్లను కూడా వేలం వేస్తున్నారు. వెరసి మొత్తం 93,572 చదరపు గజాల భూమిని విక్రయించనున్నారు.
ఈ ప్లాట్ల కోసం ఆన్లైన్ వేలం అక్టోబర్ 12, 16 తేదీల్లో జరగనుంది. రైల్టెల్ ఈ-నివిదా ప్లాట్ఫామ్ వేదికగా ఈ ప్రక్రియను నిర్వహిస్తారు. వేలంలో పాల్గొనదలచిన వారు ఆన్లైన్లో రిజిస్ట్రేషన్ చేసుకుని, కేవైసీ వివరాలను సమర్పించాల్సి ఉంటుంది. దరఖాస్తుదారులు ప్రతి ప్లాట్కు రూ.2 లక్షల చొప్పున ధరావత్తు (ఈఎండీ) చెల్లించాలి.
కేంద్ర ప్రభుత్వ రంగ సంస్థల ఆధీనంలో ఉన్న అదనపు, ప్రధానం కాని ఆస్తులను నగదీకరించే (మానిటైజేషన్) ప్రక్రియలో భాగంగానే ఈ విక్రయాలు చేపడుతున్నట్లు కేంద్రం స్పష్టం చేసింది. ఆర్ఐఎన్ఎల్ ఉక్కు మంత్రిత్వ శాఖ పరిధిలోని నవరత్న సంస్థ కాగా, ఎన్ఎల్ఎంసీ ఆర్థిక మంత్రిత్వ శాఖ ఆధ్వర్యంలో పనిచేసే శతశాతం ప్రభుత్వ యాజమాన్య సంస్థ.
