పుజారాను చూసి బౌలింగ్ ఆపేసిన హేజిల్‌వుడ్.. సీఎస్‌కే క్యాంపులో అసలేం జరిగింది?

టీమిండియా టెస్ట్ స్పెషలిస్ట్ బ్యాటర్ ఛతేశ్వర్ పుజారా, ఆస్ట్రేలియా ఫాస్ట్ బౌలర్ జోష్ హేజిల్‌వుడ్‌కు సంబంధించిన ఒక పాత సంఘటనను తాజాగా గుర్తుచేసుకున్నాడు. ఇండియన్ ప్రీమియర్ లీగ్ (ఐపీఎల్) లో చెన్నై సూపర్ కింగ్స్ (సీఎస్‌కే) తరఫున ఆడుతున్న సమయంలో నెట్ ప్రాక్టీస్‌లో తనకు బౌలింగ్ చేయడానికి హేజిల్‌వుడ్ నిరాకరించాడని పుజారా వెల్లడించాడు.

2021 ఐపీఎల్ సీజన్‌లో పుజారా, హేజిల్‌వుడ్ ఇద్దరూ సీఎస్‌కే జట్టులో ఉన్నారు. అయితే, ఆ సీజన్ ప్రారంభానికి ముందు, బిజీ అంతర్జాతీయ షెడ్యూల్ కారణంగా విశ్రాంతి కోరుకుంటున్నానంటూ హేజిల్‌వుడ్ టోర్నీ నుంచి తప్పుకున్నాడు. అప్పట్లో పుజారా జట్టులో ఉండటం వల్లే హేజిల్‌వుడ్ సరదాగా ఈ నిర్ణయం తీసుకున్నాడంటూ సోషల్ మీడియాలో జోకులు కూడా పేలాయి.

భారత్-ఆస్ట్రేలియా టెస్ట్ సిరీస్‌లలో పుజారా తన డిఫెన్సివ్ బ్యాటింగ్‌తో ప్రత్యర్థి బౌలర్ల సహనాన్ని పరీక్షిస్తాడన్న పేరుంది. ముఖ్యంగా హేజిల్‌వుడ్‌కు పుజారా చాలా ఓవర్ల పాటు బౌలింగ్ చేసి విసిగిపోయిన సందర్భాలు ఎన్నో ఉన్నాయి. ఈ నేపథ్యంలోనే సీఎస్‌కే నెట్స్‌లో మళ్లీ తనకు బౌలింగ్ చేసి విసుగు తెచ్చుకోవడం ఇష్టం లేక హేజిల్‌వుడ్ అలా చేసి ఉండవచ్చని పుజారా సరదాగా గుర్తుచేసుకున్నాడు. ఈ ప్రాక్టీస్ సెషన్ ఘటనపై హేజిల్‌వుడ్ కానీ, ఫ్రాంచైజీ కానీ అధికారికంగా ఎప్పుడూ స్పందించలేదు.