నకిలీ కాస్మెటిక్స్ ను ఇలా పట్టేయొచ్చు!
- నకిలీ స్కిన్కేర్ ఉత్పత్తులతో చర్మానికి తీవ్రమైన ఇన్ఫెక్షన్లు
- ప్యాకేజింగ్పై అక్షర దోషాలు, నాణ్యతను గమనించడం ముఖ్యం
- ఉత్పత్తి వాసన, టెక్స్చర్ తేడాగా ఉంటే అనుమానించాల్సిందే
- ముఖంపై రాసుకునే ముందు ప్యాచ్ టెస్ట్ తప్పనిసరి
- బార్కోడ్ లేదా క్యూఆర్ కోడ్తో అసలుదో కాదో నిర్ధారించుకోవచ్చు
1. ప్యాకేజింగ్ పరిశీలించండి
అసలైన బ్రాండ్లు ప్యాకేజింగ్ నాణ్యతలో రాజీపడవు. నకిలీ ఉత్పత్తుల ప్యాకింగ్పై అక్షర దోషాలు, అస్పష్టమైన ప్రింటింగ్, సరిగ్గా లేని లేబుల్స్ లేదా పగిలిన సీల్స్ కనిపిస్తాయి. కొనేముందు వీటిని క్షుణ్ణంగా గమనించాలి.
2. టెక్స్చర్ (క్రీమ్ స్వభావం) గమనించండి
క్రీమ్ లేదా సీరమ్ టెక్స్చర్ కూడా ఒక ముఖ్యమైన సూచిక. ఉత్పత్తి మరీ నీళ్లలా ఉన్నా, గరుకుగా, జిగటగా అనిపించినా లేదా నూనె-నీరు విడిపోయినట్లు కనిపించినా అది నకిలీది లేదా గడువు ముగిసినది కావచ్చు.
3. వాసన చూడండి
అసలైన ఉత్పత్తులు సాధారణంగా చాలా సౌమ్యమైన వాసనను లేదా అసలు వాసన లేకుండా ఉంటాయి. ఘాటైన రసాయన వాసన, తీవ్రమైన పరిమళం లేదా చెడు వాసన వస్తుంటే ఆ ఉత్పత్తి నకిలీదని అనుమానించాలి.
4. ప్యాచ్ టెస్ట్ చేయండి
కొత్తగా కొన్న లేదా అనుమానంగా ఉన్న ఏ ఉత్పత్తిని అయినా నేరుగా ముఖంపై కాకుండా, ముందుగా మణికట్టు లేదా చెవి వెనుక భాగంలో కొద్దిగా రాసి పరీక్షించుకోవాలి. మంట, దురద, ఎరుపుదనం వంటివి కనిపిస్తే వెంటనే కడిగేసి, వాడకాన్ని ఆపేయాలి.
5. బార్కోడ్ లేదా క్యూఆర్ కోడ్ స్కాన్
ప్రస్తుతం చాలా బ్రాండ్లు తమ ఉత్పత్తులపై బార్కోడ్ లేదా క్యూఆర్ కోడ్ ముద్రిస్తున్నాయి. బ్రాండ్ అధికారిక వెబ్సైట్ లేదా యాప్ ద్వారా ఈ కోడ్ను స్కాన్ చేసి ఉత్పత్తి అసలుదో కాదో నిర్ధారించుకోవచ్చు. ఈ చిన్న జాగ్రత్తలు తీసుకోవడం ద్వారా చర్మాన్ని సురక్షితంగా కాపాడుకోవచ్చు.
