భర్తతో కలిసి భారత్కు వచ్చిన ట్రంప్ కుమార్తె
- భర్తతో కలిసి భారత్కు వచ్చిన డొనాల్డ్ ట్రంప్ కుమార్తె టిఫనీ
- నేడు ప్రత్యేక విమానంలో ఆగ్రాకు చేరిక
- రేపు తాజ్మహల్ సందర్శించనున్న దంపతులు
- ఇది పూర్తిగా వ్యక్తిగత పర్యటన అని తెలిపిన అధికారులు
- ఢిల్లీలోని అక్షరధామ్ ఆలయాన్ని సందర్శించిన టిఫనీ
వారి పర్యటన వ్యక్తిగతమైనదే అయినప్పటికీ, స్థానిక అధికారులు పటిష్టమైన భద్రతా ఏర్పాట్లు చేశారు. తాజ్మహల్ సందర్శన తర్వాత ఈ జంట రాజస్థాన్లోని జైసల్మేర్కు వెళ్లనున్నట్లు సమాచారం. అయితే, వారి పర్యటన వల్ల సాధారణ పర్యాటకులకు ఎలాంటి ఇబ్బంది కలగకుండా అధికారులు చర్యలు తీసుకుంటున్నారు.
భారత పర్యటనలో భాగంగా టిఫనీ ఢిల్లీలోని అక్షరధామ్ ఆలయాన్ని సందర్శించారు. ఈ విషయాన్ని ఆమె సోషల్ మీడియా 'ఎక్స్' ద్వారా పంచుకున్నారు. 'అక్షరధామ్ ఆలయ సందర్శన అద్భుతంగా ఉంది' అని ఆమె పేర్కొన్నారు.
టిఫనీ ట్రంప్.. డొనాల్డ్ ట్రంప్, నటి మార్లా మేపుల్స్ కుమార్తె. ఆమె 2022లో వ్యాపారవేత్త అయిన మైఖేల్ బౌలోస్ను వివాహం చేసుకున్నారు. ఈ పర్యటన పూర్తిగా వ్యక్తిగతమైనదని, దీనిలో ఎలాంటి అధికారిక, దౌత్యపరమైన కార్యక్రమాలు లేవని అధికారులు స్పష్టం చేశారు. ప్రపంచంలోని ప్రముఖులు, దేశాధినేతలు తరచూ సందర్శించే తాజ్మహల్, ఆగ్రా పర్యాటకానికి కేంద్రంగా నిలుస్తోంది.
