అక్రమ వలసలపై ఉక్కుపాదం... 'ఏలియన్స్' వెబ్ సైట్ ప్రారంభించిన అమెరికా
- యూఎఫ్ఓల సమాచారం కోసం అనుకుంటే.. వలసదారుల అరెస్టుల వివరాలు వెల్లడి
- అరెస్టుల వివరాలతో హీట్ మ్యాప్, ప్రజలు ఫిర్యాదు చేసేందుకు ఐస్ టిప్లైన్కు లింక్
- 'వారు మన మధ్యే నడుస్తున్నారు' అంటూ సైన్స్ ఫిక్షన్ తరహాలో ప్రచారం
ఈ వెబ్సైట్లో ఇమిగ్రేషన్ అండ్ కస్టమ్స్ ఎన్ఫోర్స్మెంట్ (ICE) విభాగం జరిపిన అరెస్టుల వివరాలను ఒక హీట్ మ్యాప్ రూపంలో ప్రజలకు అందుబాటులో ఉంచారు. అరెస్టు జరిగిన ప్రదేశం, వలసదారులపై ఉన్న ఆరోపణలు వంటి సమాచారాన్ని ఇందులో పొందుపరిచారు. అంతేకాకుండా, అనుమానిత అక్రమ వలసదారుల గురించి ప్రజలు నేరుగా ఫిర్యాదు చేసేందుకు ఐస్ (ICE) టిప్లైన్కు ఒక బటన్ను కూడా జతచేశారు.
వాస్తవానికి, ఈ ఏడాది మార్చిలో ప్రభుత్వం ఈ డొమైన్ను రిజిస్టర్ చేసినప్పుడు, గ్రహాంతరవాసులు (UFO)లకు సంబంధించిన సమాచారాన్ని విడుదల చేయబోతున్నారని విస్తృతంగా ప్రచారం జరిగింది. అయితే, ఆ ఊహాగానాలకు భిన్నంగా ఇప్పుడు అక్రమ వలసదారులను లక్ష్యంగా చేసుకుని ఈ వెబ్సైట్ను తీసుకురావడం గమనార్హం. లైవ్నౌ ఫ్రమ్ ఫాక్స్ నివేదిక ప్రకారం, గత ప్రభుత్వాలు ఈ సమస్యను కప్పిపుచ్చాయని, ట్రంప్ మాత్రమే నిజం చెప్పే ధైర్యం చేశారని ఈ సైట్ పేర్కొంటోంది. అక్రమ వలసలపై ఉక్కుపాదం మోపడం, సామూహిక బహిష్కరణలు చేపట్టడం వంటి విధానాల్లో భాగంగానే ఈ వెబ్సైట్ను ప్రారంభించినట్లు స్పష్టమవుతోంది.
