ఇరాన్పై ట్రంప్ సోషల్ మీడియా వార్.. 'ఇక మీ అంతు చూస్తాం' అంటూ ఏఐ చిత్రాలతో వార్నింగ్!
- ఏఐ చిత్రాలతో మిస్సైల్ దాడులు, అంతరిక్ష యుద్ధం దృశ్యాల ప్రదర్శన
- వేగంగా స్పందించకపోతే ఇరాన్ ఉనికి ఉండదని తీవ్ర హెచ్చరిక
- ఫిబ్రవరి నుంచి కొనసాగుతున్న యుద్ధంలో ప్రతిష్టంభన
అమెరికా, ఇరాన్ మధ్య యుద్ధ ప్రతిష్టంభన కొనసాగుతున్న వేళ, అమెరికా అధ్యక్షుడు డొనాల్డ్ ట్రంప్ తన దూకుడును సోషల్ మీడియా వేదికగా ప్రదర్శించారు. తన 'ట్రూత్ సోషల్' ప్లాట్ఫామ్లో ఇరాన్ను హెచ్చరిస్తూ, రెచ్చగొట్టేలా ఉన్న ఏఐ చిత్రాలను వరసగా పోస్ట్ చేశారు. పశ్చిమాసియాలో నెలకొన్న ఉద్రిక్తతలను ఈ పోస్టులు మరింత పెంచాయి.
కొన్ని గంటల వ్యవధిలోనే ట్రంప్ 20కి పైగా చిత్రాలను పంచుకున్నారు. వీటిలో చాలా వరకు ఇరాన్పై అమెరికా సైనిక చర్యను తీవ్రతరం చేస్తున్నట్లుగా ఉన్నాయి. ఇరాన్ పటాన్ని అమెరికా జెండాతో కప్పి, చుట్టూ బాణాలు గురిపెట్టినట్లు ఉన్న ఒక చిత్రం తీవ్ర చర్చనీయాంశమైంది. ఇరాన్ ఫాస్ట్ బోట్లపై అమెరికా డ్రోన్ దాడి చేస్తున్న చిత్రం కింద "బై బై, ఫాస్ట్ బోట్స్" అని రాశారు. అంతేగాక తాను ఒక కంప్యూటర్ ముందు కూర్చుని టేబుల్పై చేతితో నొక్కుతూ, "బా బా బా బా... ఫైర్, బూమ్" అంటూ క్షిపణి దాడికి ఆదేశాలిస్తున్నట్లు నటించిన ఒక వీడియోను కూడా పంచుకున్నారు. అంతరిక్షం నుంచి క్షిపణి దాడులను పర్యవేక్షిస్తున్నట్లు, స్పేస్క్రాఫ్ట్లో 'కిల్ బటన్' నొక్కుతున్నట్లు ఉన్న చిత్రాలు కూడా ఈ పోస్టులలో ఉన్నాయి.
ఈ చిత్రాల వెల్లువకు ముందు ట్రంప్ ఇరాన్కు గట్టి వార్నింగ్ ఇచ్చారు. "ఇరాన్కు సమయం మించిపోతోంది. వాళ్లు వేగంగా శాంతి ఒప్పందం వైపు రాకపోతే, వారి ఉనికి కూడా ఉండదు. సమయం చాలా కీలకం!" అని తన ట్రూత్ సోషల్ ఖాతాలో రాసుకొచ్చారు.
గత ఫిబ్రవరి 28న అమెరికా, ఇజ్రాయెల్ దళాలు ఇరాన్పై భారీ దాడులు ప్రారంభించినప్పటి నుంచి ఇరు దేశాల మధ్య యుద్ధం కొనసాగుతోంది. పశ్చిమాసియాను అస్థిరపరిచిన ఈ యుద్ధాన్ని ముగించేందుకు వాషింగ్టన్ చేస్తున్న ప్రయత్నాలు ఫలించడం లేదు. ఈ యుద్ధం కారణంగా కీలకమైన హర్మూజ్ జలసంధి దిగ్బంధనంలోకి వెళ్లింది. ప్రపంచంలోని 20 శాతం చమురు ఎగుమతులు ఈ మార్గం గుండానే జరుగుతాయి. దీనివల్ల అంతర్జాతీయంగా ఇంధన ధరలు భారీగా పెరిగాయి.
అయితే, లెబనాన్లో శాశ్వత కాల్పుల విరమణ జరిగే వరకు ట్రంప్తో ఎలాంటి శాంతి ఒప్పందం కుదుర్చుకోబోమని ఇరాన్ స్పష్టం చేసింది. తన షరతులకు టెహ్రాన్ అంగీకరించకపోవడంతో ట్రంప్ తీవ్ర అసహనంతో ఉన్నారని, ఈ నేపథ్యంలోనే సోషల్ మీడియా ద్వారా ఒత్తిడి పెంచే ప్రయత్నం చేస్తున్నారని అంతర్జాతీయ విశ్లేషకులు భావిస్తున్నారు.
కొన్ని గంటల వ్యవధిలోనే ట్రంప్ 20కి పైగా చిత్రాలను పంచుకున్నారు. వీటిలో చాలా వరకు ఇరాన్పై అమెరికా సైనిక చర్యను తీవ్రతరం చేస్తున్నట్లుగా ఉన్నాయి. ఇరాన్ పటాన్ని అమెరికా జెండాతో కప్పి, చుట్టూ బాణాలు గురిపెట్టినట్లు ఉన్న ఒక చిత్రం తీవ్ర చర్చనీయాంశమైంది. ఇరాన్ ఫాస్ట్ బోట్లపై అమెరికా డ్రోన్ దాడి చేస్తున్న చిత్రం కింద "బై బై, ఫాస్ట్ బోట్స్" అని రాశారు. అంతేగాక తాను ఒక కంప్యూటర్ ముందు కూర్చుని టేబుల్పై చేతితో నొక్కుతూ, "బా బా బా బా... ఫైర్, బూమ్" అంటూ క్షిపణి దాడికి ఆదేశాలిస్తున్నట్లు నటించిన ఒక వీడియోను కూడా పంచుకున్నారు. అంతరిక్షం నుంచి క్షిపణి దాడులను పర్యవేక్షిస్తున్నట్లు, స్పేస్క్రాఫ్ట్లో 'కిల్ బటన్' నొక్కుతున్నట్లు ఉన్న చిత్రాలు కూడా ఈ పోస్టులలో ఉన్నాయి.
ఈ చిత్రాల వెల్లువకు ముందు ట్రంప్ ఇరాన్కు గట్టి వార్నింగ్ ఇచ్చారు. "ఇరాన్కు సమయం మించిపోతోంది. వాళ్లు వేగంగా శాంతి ఒప్పందం వైపు రాకపోతే, వారి ఉనికి కూడా ఉండదు. సమయం చాలా కీలకం!" అని తన ట్రూత్ సోషల్ ఖాతాలో రాసుకొచ్చారు.
గత ఫిబ్రవరి 28న అమెరికా, ఇజ్రాయెల్ దళాలు ఇరాన్పై భారీ దాడులు ప్రారంభించినప్పటి నుంచి ఇరు దేశాల మధ్య యుద్ధం కొనసాగుతోంది. పశ్చిమాసియాను అస్థిరపరిచిన ఈ యుద్ధాన్ని ముగించేందుకు వాషింగ్టన్ చేస్తున్న ప్రయత్నాలు ఫలించడం లేదు. ఈ యుద్ధం కారణంగా కీలకమైన హర్మూజ్ జలసంధి దిగ్బంధనంలోకి వెళ్లింది. ప్రపంచంలోని 20 శాతం చమురు ఎగుమతులు ఈ మార్గం గుండానే జరుగుతాయి. దీనివల్ల అంతర్జాతీయంగా ఇంధన ధరలు భారీగా పెరిగాయి.
అయితే, లెబనాన్లో శాశ్వత కాల్పుల విరమణ జరిగే వరకు ట్రంప్తో ఎలాంటి శాంతి ఒప్పందం కుదుర్చుకోబోమని ఇరాన్ స్పష్టం చేసింది. తన షరతులకు టెహ్రాన్ అంగీకరించకపోవడంతో ట్రంప్ తీవ్ర అసహనంతో ఉన్నారని, ఈ నేపథ్యంలోనే సోషల్ మీడియా ద్వారా ఒత్తిడి పెంచే ప్రయత్నం చేస్తున్నారని అంతర్జాతీయ విశ్లేషకులు భావిస్తున్నారు.
