బోయపాలెం సర్పంచ్ కుమార్తె వివాహానికి హాజరైన మంత్రి లోకేశ్‌

రాష్ట్ర ఐటీ, విద్యా శాఖల మంత్రి నారా లోకేశ్‌ శనివారం మంగళగిరిలో జరిగిన ఓ వివాహ వేడుకకు హాజరయ్యారు. విశాఖ జిల్లా బోయపాలెం సర్పంచ్, రాష్ట్ర సర్పంచుల సంఘం అధ్యక్షురాలు శ్రీమతి వానపల్లి లక్ష్మీ ముత్యాలరావు కుమార్తె వివాహ మహోత్సవంలో ఆయన పాల్గొన్నారు.

మంగళగిరిలోని సీకే కన్వెన్షన్‌లో జరిగిన ఈ వేడుకలో నూతన వధూవరులు జ్యోత్స్న, కళ్యాణ కృష్ణలను మంత్రి లోకేశ్‌ ఆశీర్వదించారు. పుష్పగుచ్ఛం అందించి, వారికి శుభాకాంక్షలు తెలియజేశారు. ఈ కార్యక్రమంలో మంత్రితో పాటు పలువురు తెలుగుదేశం పార్టీ నాయకులు కూడా పాల్గొని నూతన దంపతులకు అభినందనలు తెలిపారు.