టైటాన్స్‌తో మ్యాచ్‌... చిన్నస్వామిలో టాస్ గెలిచిన ఆర్సీబీ

ఐపీఎల్ 2026లో భాగంగా గుజరాత్ టైటాన్స్‌తో మ్యాచ్‌లో రాయల్ ఛాలెంజర్స్ బెంగళూరు (ఆర్సీబీ) టాస్ గెలిచి ఫీల్డింగ్ ఎంచుకుంది. బెంగళూరులోని చిన్నస్వామి స్టేడియం వేదికగా ఈ మ్యాచ్ జరుగుతోంది. టాస్ గెలిచిన అనంతరం ఆర్సీబీ కెప్టెన్ రజత్ పటీదార్ మాట్లాడుతూ, ఛేజింగ్ కు ప్రాధాన్యత ఇస్తున్నట్లు తెలిపారు.

"ఈ పిచ్ బౌలింగ్‌కు అనుకూలంగా అనిపిస్తోంది. ఛేదనలో లక్ష్యం స్పష్టంగా తెలుస్తుంది కాబట్టి మాకు సౌలభ్యంగా ఉంటుంది. పిచ్‌పై పచ్చిక లేకపోవడంతో, తొలి ఇన్నింగ్స్‌లో ఇది కాస్త మందకొడిగా స్పందించే అవకాశం ఉంది" అని పటిదార్ వివరించారు.

మరోవైపు, టాస్ ఓడి బ్యాటింగ్‌కు దిగడంపై గుజరాత్ టైటాన్స్ కెప్టెన్ శుభ్‌మన్ గిల్ స్పందించాడు. "సాధారణంగా ఈ మైదానంలో ఛేజింగ్ జట్లకు మంచి రికార్డు ఉంది. కానీ ఈ వికెట్ సమతూకంగా కనిపిస్తోంది. పవర్‌ప్లేలో మంచి ఆరంభం లభిస్తే, దానిపైనే ఇన్నింగ్స్ నిర్మించవచ్చు. కాబట్టి మాకు ఇది మంచి గేమ్‌ అవుతుందని ఆశిస్తున్నా" అని ధీమా వ్యక్తం చేశాడు. తమ జట్టులో రెండు మార్పులు చేసినట్లు, జాసన్ హోల్డర్ టైటాన్స్ తరఫున అరంగేట్రం చేస్తుండగా, మానవ్ సుతార్ తిరిగి జట్టులోకి వచ్చాడని గిల్ తెలిపాడు.

రాయల్ ఛాలెంజర్స్ బెంగళూరు
విరాట్ కోహ్లీ, దేవదత్ పడిక్కల్, రజత్ పటిదార్ (కెప్టెన్), జితేశ్ శర్మ (వికెట్ కీపర్), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, సుయాశ్ శర్మ, రసిఖ్ సలామ్ దార్.

గుజరాత్ టైటాన్స్ 
సాయి సుదర్శన్, శుభ్‌మన్ గిల్ (కెప్టెన్), జోస్ బట్లర్ (వికెట్ కీపర్), వాషింగ్టన్ సుందర్, షారుఖ్ ఖాన్, జాసన్ హోల్డర్, రాహుల్ తెవాటియా, రషీద్ ఖాన్, మానవ్ సుతార్, కగిసో రబాడ, మహ్మద్ సిరాజ్.