ఒప్పందం అమలయ్యే వరకు వెనక్కి తగ్గేది లేదు: ఇరాన్కు ట్రంప్ హెచ్చరిక
అమెరికా మాజీ అధ్యక్షుడు డొనాల్డ్ ట్రంప్ ఇరాన్కు మరోసారి గట్టి హెచ్చరిక జారీ చేశారు. ఇరాన్తో కుదిరిన ఒప్పందం పూర్తి స్థాయిలో అమలయ్యే వరకు ఆ దేశం చుట్టూ తమ సైనిక బలగాలు మోహరించే ఉంటాయని ఆయన స్పష్టం చేశారు. రెండు వారాల కాల్పుల విరమణ ఒప్పందం కుదిరినప్పటికీ, బలగాల ఉపసంహరణ ఉండదని తేల్చి చెప్పారు. ఈ మేరకు తన సోషల్ మీడియా ఖాతా ‘ట్రూత్ సోషల్’లో ఒక ప్రకటన విడుదల చేశారు.
ఒప్పందం షరతులను ఇరాన్ ఉల్లంఘిస్తే, మునుపెన్నడూ చూడని స్థాయిలో ప్రతిస్పందన ఉంటుందని ట్రంప్ హెచ్చరించారు. 'అమెరికాకు చెందిన యుద్ధనౌకలు, విమానాలు, సైనిక సిబ్బంది, ఆయుధ సంపత్తి అన్నీ ఇరాన్ పరిసరాల్లోనే ఉంటాయి. ఒకవేళ ఒప్పందం విఫలమైతే, కాల్పులు మొదలవుతాయి' అని ఆయన తన పోస్టులో పేర్కొన్నారు. అణు ఆయుధాలు తయారు చేయకూడదని, హర్మూజ్ జలసంధిని సురక్షితంగా, తెరిచి ఉంచాలనేవి ఈ ఒప్పందంలోని ప్రధాన షరతులని ట్రంప్ గుర్తుచేశారు.
ఒప్పందం షరతులను ఇరాన్ ఉల్లంఘిస్తే, మునుపెన్నడూ చూడని స్థాయిలో ప్రతిస్పందన ఉంటుందని ట్రంప్ హెచ్చరించారు. 'అమెరికాకు చెందిన యుద్ధనౌకలు, విమానాలు, సైనిక సిబ్బంది, ఆయుధ సంపత్తి అన్నీ ఇరాన్ పరిసరాల్లోనే ఉంటాయి. ఒకవేళ ఒప్పందం విఫలమైతే, కాల్పులు మొదలవుతాయి' అని ఆయన తన పోస్టులో పేర్కొన్నారు. అణు ఆయుధాలు తయారు చేయకూడదని, హర్మూజ్ జలసంధిని సురక్షితంగా, తెరిచి ఉంచాలనేవి ఈ ఒప్పందంలోని ప్రధాన షరతులని ట్రంప్ గుర్తుచేశారు.
