రాఘవ్ చద్దా కొత్త పార్టీ పెడుతున్నారా...? ఆసక్తి రేపుతున్న ఇన్స్టాగ్రామ్ పోస్ట్
ఆమ్ ఆద్మీ పార్టీ (ఆప్) యువ నేత, రాజ్యసభ ఎంపీ రాఘవ్ చద్దా సొంత రాజకీయ పార్టీ పెట్టబోతున్నారా? అవుననే సంకేతాలిస్తూ ఆయన చేసిన ఓ సోషల్ మీడియా పోస్ట్ ఇప్పుడు రాజకీయ వర్గాల్లో తీవ్ర చర్చనీయాంశంగా మారింది. పార్టీలో నెలకొన్న విభేదాల నేపథ్యంలో ఈ పరిణామం ప్రాధాన్యం సంతరించుకుంది.
వివరాల్లోకి వెళితే, రాఘవ్ చద్దా తన ఇన్స్టాగ్రామ్ ఖాతాలో బుధవారం ఓ వీడియోను షేర్ చేశారు. అందులో ఓ యువకుడు మాట్లాడుతూ.. "రాఘవ్ చద్దా ఏదైనా పార్టీలో చేరడం కన్నా, సొంతంగా 'జెన్ జెడ్ పార్టీ' వంటి పేరుతో యువతతో కూడిన పార్టీని ప్రారంభిస్తే మంచిది. యువత మద్దతు మీకు ఉంటుంది, మీరే గెలుస్తారు" అని సలహా ఇచ్చాడు. ఈ వీడియోను రాఘవ్ చద్దా రీపోస్ట్ చేస్తూ, "ఆసక్తికరమైన ఆలోచన" అని ఓ ఎమోజీతో కలిపి వ్యాఖ్యానించారు.
ఇటీవల రాజ్యసభలో ఆప్ డిప్యూటీ నేత పదవి నుంచి చద్దాను తొలగించినప్పటి నుంచి పార్టీతో ఆయనకు దూరం పెరుగుతోంది. పంజాబ్ సమస్యలను ప్రస్తావించడం లేదని, బీజేపీ పట్ల మెతక వైఖరి అవలంబిస్తున్నారని కొందరు ఆప్ నేతలు ఆరోపించారు. మరోవైపు, పంజాబ్ సీఎం భగవంత్ మాన్ సైతం చద్దా ‘రాజీ పడ్డారని’ చేసిన వ్యాఖ్యలు ఈ వివాదాన్ని మరింత తీవ్రతరం చేశాయి. ఈ క్రమంలో చద్దా సొంత పార్టీ వైపు చూస్తున్నారా లేక బీజేపీలో చేరతారా అనే ఊహాగానాలు మొదలయ్యాయి.
అయితే, కొత్త పార్టీ స్థాపనకు బలమైన కేడర్, నిధులు, క్షేత్రస్థాయిలో సంస్థాగత నిర్మాణం అవసరమని రాజకీయ విశ్లేషకులు అభిప్రాయపడుతున్నారు. వచ్చే ఏడాది పంజాబ్ ఎన్నికలు జరగనున్న నేపథ్యంలో ఆప్లో ఈ అంతర్గత పోరు పార్టీకి నష్టం కలిగించే అవకాశం ఉంది. ప్రస్తుతం సోషల్ మీడియా వేదికగా పరోక్ష వ్యాఖ్యలు చేస్తున్న చద్దా తదుపరి అడుగు ఏంటనేది ఆసక్తికరంగా మారింది. ఆయన రాజ్యసభ సభ్యత్వం 2028 సెప్టెంబర్ వరకు ఉంది.
వివరాల్లోకి వెళితే, రాఘవ్ చద్దా తన ఇన్స్టాగ్రామ్ ఖాతాలో బుధవారం ఓ వీడియోను షేర్ చేశారు. అందులో ఓ యువకుడు మాట్లాడుతూ.. "రాఘవ్ చద్దా ఏదైనా పార్టీలో చేరడం కన్నా, సొంతంగా 'జెన్ జెడ్ పార్టీ' వంటి పేరుతో యువతతో కూడిన పార్టీని ప్రారంభిస్తే మంచిది. యువత మద్దతు మీకు ఉంటుంది, మీరే గెలుస్తారు" అని సలహా ఇచ్చాడు. ఈ వీడియోను రాఘవ్ చద్దా రీపోస్ట్ చేస్తూ, "ఆసక్తికరమైన ఆలోచన" అని ఓ ఎమోజీతో కలిపి వ్యాఖ్యానించారు.
ఇటీవల రాజ్యసభలో ఆప్ డిప్యూటీ నేత పదవి నుంచి చద్దాను తొలగించినప్పటి నుంచి పార్టీతో ఆయనకు దూరం పెరుగుతోంది. పంజాబ్ సమస్యలను ప్రస్తావించడం లేదని, బీజేపీ పట్ల మెతక వైఖరి అవలంబిస్తున్నారని కొందరు ఆప్ నేతలు ఆరోపించారు. మరోవైపు, పంజాబ్ సీఎం భగవంత్ మాన్ సైతం చద్దా ‘రాజీ పడ్డారని’ చేసిన వ్యాఖ్యలు ఈ వివాదాన్ని మరింత తీవ్రతరం చేశాయి. ఈ క్రమంలో చద్దా సొంత పార్టీ వైపు చూస్తున్నారా లేక బీజేపీలో చేరతారా అనే ఊహాగానాలు మొదలయ్యాయి.
అయితే, కొత్త పార్టీ స్థాపనకు బలమైన కేడర్, నిధులు, క్షేత్రస్థాయిలో సంస్థాగత నిర్మాణం అవసరమని రాజకీయ విశ్లేషకులు అభిప్రాయపడుతున్నారు. వచ్చే ఏడాది పంజాబ్ ఎన్నికలు జరగనున్న నేపథ్యంలో ఆప్లో ఈ అంతర్గత పోరు పార్టీకి నష్టం కలిగించే అవకాశం ఉంది. ప్రస్తుతం సోషల్ మీడియా వేదికగా పరోక్ష వ్యాఖ్యలు చేస్తున్న చద్దా తదుపరి అడుగు ఏంటనేది ఆసక్తికరంగా మారింది. ఆయన రాజ్యసభ సభ్యత్వం 2028 సెప్టెంబర్ వరకు ఉంది.