Amit Shah: అమిత్ షా హెలికాప్టర్ లో సాంకేతిక లోపం
కేంద్ర హోం మంత్రి అమిత్ షా అసోం పర్యటనలో ఊహించని అంతరాయం ఏర్పడింది. ఎన్నికల ప్రచారంలో భాగంగా ఆయన ప్రయాణించాల్సిన హెలికాప్టర్లో సాంకేతిక లోపం తలెత్తడంతో దుబ్రీ జిల్లా గోలక్గంజ్ పర్యటన రద్దయింది.
పర్యటన రద్దయినప్పటికీ, సభా ప్రాంగణానికి భారీగా తరలివచ్చిన కార్యకర్తలను నిరాశపరచకుండా అమిత్ షా ఒక వినూత్న నిర్ణయం తీసుకున్నారు. మొబైల్ ఫోన్ ద్వారా సభను ఉద్దేశించి ప్రసంగించారు. సాంకేతిక లోపం వల్ల తాను భౌతికంగా హాజరుకాలేకపోతున్నానని, ఇందుకు చింతిస్తున్నానని ఆయన పేర్కొన్నారు. అసోం అభివృద్ధి పట్ల తన నిబద్ధత ఎప్పటికీ కొనసాగుతుందని, బీజేపీ అభ్యర్థి అశ్విని రాయ్ సర్కార్ గెలుపు కోసం కృషి చేయాలని కార్యకర్తలకు పిలుపునిచ్చారు.
హెలికాప్టర్ లోపాన్ని సరిదిద్దిన తర్వాత లేదా ప్రత్యామ్నాయ ఏర్పాట్ల ద్వారా ఆయన తన తదుపరి ఎన్నికల పర్యటనలను కొనసాగించే అవకాశం ఉందని పార్టీ వర్గాలు వెల్లడించాయి.