Amazon: డ్రోన్ల కొనుగోళ్లకు అమెజాన్ తరహా స్టోర్.. అమెరికా సైన్యం సరికొత్త ప్రయోగం!
ఆధునిక యుద్ధ క్షేత్రంలో డ్రోన్ల ప్రాధాన్యం పెరుగుతున్న నేపథ్యంలో, వాటిని తమ సైనికులకు వేగంగా, సులభంగా అందించేందుకు అమెరికా సైన్యం (పెంటగాన్) వినూత్న నిర్ణయం తీసుకుంది. ప్రముఖ టెక్ దిగ్గజం అమెజాన్ సహకారంతో ప్రత్యేకంగా ఒక ఆన్లైన్ మార్కెట్ప్లేస్ను ప్రారంభించింది. దీని ద్వారా సైనిక యూనిట్లు, ప్రభుత్వ భాగస్వాములు, మిత్రదేశాలు నేరుగా ఆన్లైన్లోనే డ్రోన్లను కొనుగోలు చేయవచ్చు.
అమెజాన్ వెబ్ సర్వీసెస్ (AWS) క్లౌడ్ టెక్నాలజీ ఆధారంగా 'అన్మ్యాన్డ్ ఎయిర్క్రాఫ్ట్ సిస్టమ్స్ (UAS) మార్కెట్ప్లేస్' పేరుతో ఈ ఆన్లైన్ స్టోర్ను రూపొందించారు. ఇందులో సైన్యానికి అవసరమైన, ముందే పరీక్షించి, ఆమోదించిన డ్రోన్ వ్యవస్థలను అందుబాటులో ఉంచుతారు. వినియోగదారులు వివిధ డ్రోన్లను పోల్చి చూసుకోవడం, ఆర్డర్లు ఇవ్వడం, ఫీడ్బ్యాక్ అందించడం వంటివి చేయవచ్చు.
దశాబ్దాలుగా కొనసాగుతున్న నెమ్మదైన, ఖరీదైన ఆయుధ కొనుగోలు ప్రక్రియకు చెక్ పెట్టడమే ఈ కొత్త విధానం ముఖ్య ఉద్దేశం. కొద్దిమంది పెద్ద కాంట్రాక్టర్ల ఆధిపత్యం, బ్యూరోక్రసీ వంటి అడ్డంకులను తొలగించి, పారదర్శకతను పెంచాలని సైన్యం లక్ష్యంగా పెట్టుకుంది. ఈ మార్కెట్ప్లేస్ కొత్త ఆవిష్కర్తలను ఆకర్షించి, రక్షణ రంగంలో పోటీని ప్రోత్సహిస్తుందని అధికారులు భావిస్తున్నారు.
ఈ సందర్భంగా యూఎస్ ఆర్మీ అక్విజిషన్ చీఫ్ బ్రెంట్ ఇంగ్రాహామ్ మాట్లాడుతూ, "రక్షణ రంగంలోకి కొత్త ఆవిష్కర్తలను ఆహ్వానించడం ద్వారా మా పారిశ్రామిక బలాన్ని పెంచుతున్నాం. ఇది మా బలగాలను సన్నద్ధం చేయడానికి, శత్రువులను నిలువరించడానికి ఎంతో అవసరం" అని తెలిపారు. ఈ వ్యూహం ద్వారా సైనికులకు అవసరమైన అత్యాధునిక టెక్నాలజీని వేగంగా, పెద్దమొత్తంలో అందించగలమని యూఎస్ ఆర్మీ యూఏఎస్ ప్రాజెక్ట్ మేనేజర్ కల్నల్ డానియల్ మెడగ్లియా వివరించారు. ఈ కొత్త విధానం అమెరికా సైనిక సామర్థ్యాన్ని మరింత బలోపేతం చేస్తుందని విశ్లేషకులు అభిప్రాయపడుతున్నారు.
అమెజాన్ వెబ్ సర్వీసెస్ (AWS) క్లౌడ్ టెక్నాలజీ ఆధారంగా 'అన్మ్యాన్డ్ ఎయిర్క్రాఫ్ట్ సిస్టమ్స్ (UAS) మార్కెట్ప్లేస్' పేరుతో ఈ ఆన్లైన్ స్టోర్ను రూపొందించారు. ఇందులో సైన్యానికి అవసరమైన, ముందే పరీక్షించి, ఆమోదించిన డ్రోన్ వ్యవస్థలను అందుబాటులో ఉంచుతారు. వినియోగదారులు వివిధ డ్రోన్లను పోల్చి చూసుకోవడం, ఆర్డర్లు ఇవ్వడం, ఫీడ్బ్యాక్ అందించడం వంటివి చేయవచ్చు.
దశాబ్దాలుగా కొనసాగుతున్న నెమ్మదైన, ఖరీదైన ఆయుధ కొనుగోలు ప్రక్రియకు చెక్ పెట్టడమే ఈ కొత్త విధానం ముఖ్య ఉద్దేశం. కొద్దిమంది పెద్ద కాంట్రాక్టర్ల ఆధిపత్యం, బ్యూరోక్రసీ వంటి అడ్డంకులను తొలగించి, పారదర్శకతను పెంచాలని సైన్యం లక్ష్యంగా పెట్టుకుంది. ఈ మార్కెట్ప్లేస్ కొత్త ఆవిష్కర్తలను ఆకర్షించి, రక్షణ రంగంలో పోటీని ప్రోత్సహిస్తుందని అధికారులు భావిస్తున్నారు.
ఈ సందర్భంగా యూఎస్ ఆర్మీ అక్విజిషన్ చీఫ్ బ్రెంట్ ఇంగ్రాహామ్ మాట్లాడుతూ, "రక్షణ రంగంలోకి కొత్త ఆవిష్కర్తలను ఆహ్వానించడం ద్వారా మా పారిశ్రామిక బలాన్ని పెంచుతున్నాం. ఇది మా బలగాలను సన్నద్ధం చేయడానికి, శత్రువులను నిలువరించడానికి ఎంతో అవసరం" అని తెలిపారు. ఈ వ్యూహం ద్వారా సైనికులకు అవసరమైన అత్యాధునిక టెక్నాలజీని వేగంగా, పెద్దమొత్తంలో అందించగలమని యూఎస్ ఆర్మీ యూఏఎస్ ప్రాజెక్ట్ మేనేజర్ కల్నల్ డానియల్ మెడగ్లియా వివరించారు. ఈ కొత్త విధానం అమెరికా సైనిక సామర్థ్యాన్ని మరింత బలోపేతం చేస్తుందని విశ్లేషకులు అభిప్రాయపడుతున్నారు.