Benjamin Netanyahu: దాడులు ఆపబోం.. ఇరాన్, హిజ్బుల్లాపై నెతన్యాహు కీలక వ్యాఖ్యలు
పశ్చిమాసియాలో ఉద్రిక్తతలు తగ్గించేందుకు అమెరికా, ఇరాన్ మధ్య చర్చలు జరుగుతున్నాయంటూ అమెరికా అధ్యక్షుడు డొనాల్డ్ ట్రంప్ చేసిన ప్రకటన తీవ్ర గందరగోళానికి దారితీసింది. ట్రంప్ వ్యాఖ్యలను ఇరాన్ తీవ్రంగా ఖండించింది. ఇదంతా పచ్చి అబద్ధమని, మార్కెట్లను తారుమారు చేసేందుకు అమెరికా ఆడుతున్న నాటకమని ఆరోపించింది. ఈ భిన్న ప్రకటనల నడుమ, ఇరాన్పై దాడులు కొనసాగిస్తామని ఇజ్రాయెల్ స్పష్టం చేయడం పరిస్థితి సంక్లిష్టతను తెలియజేస్తోంది.
ఇరాన్తో తమ ప్రభుత్వం ఫలప్రదమైన చర్చలు జరిపిందని, పలు కీలక అంశాలపై ఇరుపక్షాల మధ్య ఒప్పందం కుదిరిందని ట్రంప్ మీడియాకు వెల్లడించారు. తన ప్రత్యేక రాయబారి స్టీవ్ విట్కాఫ్, అల్లుడు జారెడ్ కుష్నర్ ఆదివారం సాయంత్రం ఇరాన్కు చెందిన ఓ ఉన్నతాధికారితో చర్చలు జరిపినట్లు తెలిపారు. ఒప్పందం కుదిరేందుకు మంచి అవకాశం ఉందని ఆయన అభిప్రాయపడ్డారు. ఇదే సమయంలో హర్మూజ్ జలసంధిని తెరవని పక్షంలో ఇరాన్ పవర్ ప్లాంట్లపై దాడులు చేస్తామని గతంలో ఇచ్చిన హెచ్చరిక గడువును మరో ఐదు రోజులు పొడిగిస్తున్నట్లు ట్రంప్ ప్రకటించారు.
అయితే, ట్రంప్ వాదనలను ఇరాన్ పార్లమెంటరీ స్పీకర్ మహ్మద్ బఘేర్ ఘలీబాఫ్ తీవ్రంగా తోసిపుచ్చారు. అమెరికాతో ఎలాంటి చర్చలూ జరగలేదని ఆయన 'ఎక్స్' వేదికగా స్పష్టం చేశారు. పెరుగుతున్న చమురు ధరలను తగ్గించేందుకు, ఆర్థిక మార్కెట్లను తమకు అనుకూలంగా మార్చుకునేందుకే అమెరికా ఇలాంటి ఫేక్న్యూస్ను ప్రచారం చేస్తోందని ఆరోపించారు. తమపై దాడికి పాల్పడిన వారికి పూర్తిస్థాయిలో శిక్ష పడాలని ఇరాన్ ప్రజలు కోరుకుంటున్నారని, ఈ లక్ష్యం నెరవేరే వరకు తమ దేశం పోరాడుతుందని ఆయన స్పష్టం చేశారు.
ఈ పరిణామాల నేపథ్యంలో ఇజ్రాయెల్ ప్రధాని బెంజమిన్ నెతన్యాహు స్పందించారు. తాను ట్రంప్తో మాట్లాడానని, యుద్ధ లక్ష్యాలను సాధించడానికి అమెరికా సైన్యంతో కలిసి సాధించిన విజయాలను ఉపయోగించుకోవడానికి ఒక అవకాశం ఉందని ట్రంప్ తనతో చెప్పినట్లు ఆయన తెలిపారు. అదే సమయంలో ఇరాన్, లెబనాన్లపై దాడులు కొనసాగిస్తామని నెతన్యాహు స్పష్టం చేశారు.
"ఇరాన్ క్షిపణి, అణు కార్యక్రమాలను ధ్వంసం చేస్తున్నాం. హిజ్బుల్లాకు తీవ్ర నష్టాన్ని కలిగిస్తున్నాం. కొద్ది రోజుల క్రితమే ఇద్దరు అణు శాస్త్రవేత్తలను మట్టుబెట్టాం. మా కార్యకలాపాలు కొనసాగుతాయి" అని ఆయన హెచ్చరించారు. ఈ పరస్పర విరుద్ధ ప్రకటనలతో మధ్యప్రాచ్యంలో శాంతి చర్చల భవిష్యత్తుపై అనిశ్చితి నెలకొంది.
ఇరాన్తో తమ ప్రభుత్వం ఫలప్రదమైన చర్చలు జరిపిందని, పలు కీలక అంశాలపై ఇరుపక్షాల మధ్య ఒప్పందం కుదిరిందని ట్రంప్ మీడియాకు వెల్లడించారు. తన ప్రత్యేక రాయబారి స్టీవ్ విట్కాఫ్, అల్లుడు జారెడ్ కుష్నర్ ఆదివారం సాయంత్రం ఇరాన్కు చెందిన ఓ ఉన్నతాధికారితో చర్చలు జరిపినట్లు తెలిపారు. ఒప్పందం కుదిరేందుకు మంచి అవకాశం ఉందని ఆయన అభిప్రాయపడ్డారు. ఇదే సమయంలో హర్మూజ్ జలసంధిని తెరవని పక్షంలో ఇరాన్ పవర్ ప్లాంట్లపై దాడులు చేస్తామని గతంలో ఇచ్చిన హెచ్చరిక గడువును మరో ఐదు రోజులు పొడిగిస్తున్నట్లు ట్రంప్ ప్రకటించారు.
అయితే, ట్రంప్ వాదనలను ఇరాన్ పార్లమెంటరీ స్పీకర్ మహ్మద్ బఘేర్ ఘలీబాఫ్ తీవ్రంగా తోసిపుచ్చారు. అమెరికాతో ఎలాంటి చర్చలూ జరగలేదని ఆయన 'ఎక్స్' వేదికగా స్పష్టం చేశారు. పెరుగుతున్న చమురు ధరలను తగ్గించేందుకు, ఆర్థిక మార్కెట్లను తమకు అనుకూలంగా మార్చుకునేందుకే అమెరికా ఇలాంటి ఫేక్న్యూస్ను ప్రచారం చేస్తోందని ఆరోపించారు. తమపై దాడికి పాల్పడిన వారికి పూర్తిస్థాయిలో శిక్ష పడాలని ఇరాన్ ప్రజలు కోరుకుంటున్నారని, ఈ లక్ష్యం నెరవేరే వరకు తమ దేశం పోరాడుతుందని ఆయన స్పష్టం చేశారు.
ఈ పరిణామాల నేపథ్యంలో ఇజ్రాయెల్ ప్రధాని బెంజమిన్ నెతన్యాహు స్పందించారు. తాను ట్రంప్తో మాట్లాడానని, యుద్ధ లక్ష్యాలను సాధించడానికి అమెరికా సైన్యంతో కలిసి సాధించిన విజయాలను ఉపయోగించుకోవడానికి ఒక అవకాశం ఉందని ట్రంప్ తనతో చెప్పినట్లు ఆయన తెలిపారు. అదే సమయంలో ఇరాన్, లెబనాన్లపై దాడులు కొనసాగిస్తామని నెతన్యాహు స్పష్టం చేశారు.
"ఇరాన్ క్షిపణి, అణు కార్యక్రమాలను ధ్వంసం చేస్తున్నాం. హిజ్బుల్లాకు తీవ్ర నష్టాన్ని కలిగిస్తున్నాం. కొద్ది రోజుల క్రితమే ఇద్దరు అణు శాస్త్రవేత్తలను మట్టుబెట్టాం. మా కార్యకలాపాలు కొనసాగుతాయి" అని ఆయన హెచ్చరించారు. ఈ పరస్పర విరుద్ధ ప్రకటనలతో మధ్యప్రాచ్యంలో శాంతి చర్చల భవిష్యత్తుపై అనిశ్చితి నెలకొంది.
