అమెరికాలో తెలుగు యువకుడి అరెస్టు

మైనర్లను వేధిస్తున్న కేసులో అమెరికాలో ఒక తెలుగు యువకుడిని అక్కడి పోలీసులు అరెస్టు చేశారు. మైనర్లుగా పరిచయం చేసుకుంటూ ఆన్‌లైన్‌లో చిన్నారులను లక్ష్యంగా చేసుకుని వేధింపులకు పాల్పడుతున్న వారిపై న్యూమెక్సికో పోలీసులు చర్యలు చేపట్టారు. ఈ క్రమంలో నలుగురిని అరెస్టు చేయగా, అందులో ఒకరు తెలుగు యువకుడు ఉన్నాడు. నిందితుడిని నాగరాజుగా గుర్తించారు.

అండర్ కవర్ ఆపరేషన్‌లో భాగంగా న్యూమెక్సికోలోని శాంటాఫే నగర పోలీసులు ఆన్‌లైన్‌‍లో ఖాతాలు తెరిచారు. పోలీసులు కూడా చిన్నారులుగా నిందితులతో పరిచయం చేసుకుని చాటింగ్ చేశారు. ఈ చాటింగ్ సందర్భంగా చిన్నారులను లైంగిక ప్రలోభాలకు గురిచేస్తున్న నలుగురిని అదుపులోకి తీసుకున్నట్లు పోలీసులు తెలిపారు.