Jason Hughes: ప్రాంక్ పేరిట విద్యార్థుల నిర్వాకం... ప్రాణాలు కోల్పోయిన ఉపాధ్యాయుడు
- అమెరికాలోని జార్జియాలో ప్రాణాలు తీసిన విద్యార్థుల ప్రాంక్
- విద్యార్థి నడుపుతున్న పికప్ ట్రక్ కిందపడి ఉపాధ్యాయుడు జేసన్ హ్యూస్ మృతి
- మార్చి 5న ఇంటి వద్ద జరిగిన ఘటనలో నిందితులపై కేసులు నమోదు
- ఉపాధ్యాయుడి మృతి పట్ల కన్నీటి పర్యంతమైన పాఠశాల యాజమాన్యం
- బాధిత కుటుంబానికి అండగా నిలిచేందుకు గోఫండ్మీ ద్వారా విరాళాల సేకరణ
అమెరికాలోని జార్జియా రాష్ట్రంలో అత్యంత హృదయ విదారకమైన ఘటన చోటుచేసుకుంది. విద్యార్థులు సరదా కోసం చేసిన ఒక చిన్న ప్రాంక్ ఏకంగా వారికి విద్యాబుద్ధులు నేర్పే ఉపాధ్యాయుడి ప్రాణాలనే బలితీసుకుంది. గెయిన్స్విల్లోని నార్త్ హాల్ హైస్కూల్లో గణితం బోధిస్తున్న 40 ఏళ్ల జేసన్ హ్యూస్ ఈ ఘటనలో కారు కింద పడి దుర్మరణం పాలయ్యారు. మార్చి 5న రాత్రి కొందరు విద్యార్థులు జేసన్ హ్యూస్ ఇంటి వద్దకు వెళ్లి ఆయన ప్రాంగణంలోని చెట్లకు టాయిలెట్ పేపర్ చుట్టి తుంటరితనంతో ప్రాంక్ చేశారు.
బయట అలికిడి కావడంతో ఏం జరుగుతుందో చూసేందుకు హ్యూస్ ఇంటి నుంచి బయటకు వచ్చారు. ఆయనను చూడగానే భయాందోళనలకు గురైన విద్యార్థులు అక్కడి నుంచి పారిపోయే ప్రయత్నం చేశారు. ఆ క్రమంలో బయటకు వచ్చిన హ్యూస్ అనుకోకుండా కాలు తడబడి రోడ్డుపై పడిపోయారు. సరిగ్గా అదే సమయంలో అక్కడి నుంచి తప్పించుకునే క్రమంలో 18 ఏళ్ల జేడెన్ ర్యాన్ వాలెస్ అనే విద్యార్థి పికప్ ట్రక్కును వేగంగా నడిపాడు. రోడ్డుపై పడి ఉన్న ఉపాధ్యాయుడిని తొక్కుకుటూ ఆ ట్రక్కు దూసుకెళ్లింది. తీవ్రంగా గాయపడిన ఆయనకు వెంటనే ప్రథమ చికిత్స అందించి నార్త్ఈస్ట్ జార్జియా మెడికల్ సెంటర్కు తరలించారు. అయితే తీవ్ర రక్తస్రావం కావడం వల్ల చికిత్స పొందుతూ ఆయన కన్నుమూశారు.
ఈ ప్రమాదంపై హాల్ కౌంటీ షెరీఫ్ కార్యాలయం దర్యాప్తు ప్రారంభించింది. నార్త్ గేట్ డ్రైవ్లో వాలెస్ వాహనం నడుపుతుండగా ఈ ఘోరం జరిగినట్లు పోలీసులు ఒక ప్రకటనలో స్పష్టం చేశారు. ప్రధాన నిందితుడైన వాలెస్పై తీవ్రమైన అభియోగాలు మోపారు. అతడితో పాటు ఉన్న మరో నలుగురు టీనేజర్లపై కూడా కేసులు నమోదు చేశారు.
హ్యూస్ మృతి పట్ల హాల్ కౌంటీ స్కూల్ డిస్ట్రిక్ట్ సూపరింటెండెంట్ విల్ షోఫీల్డ్ తీవ్ర దిగ్భ్రాంతి వ్యక్తం చేశారు. ఆయనొక ప్రేమాస్పద భర్త, మంచి తండ్రి, అత్యుత్తమ ఉపాధ్యాయుడని చెబుతూ కన్నీటి పర్యంతమయ్యారు. హ్యూస్ గతంలో పదేళ్ల పాటు గ్వినెట్లో పనిచేసి ఆ తర్వాత కుటుంబంతో సహా గెయిన్స్విల్కు మారారు. ఆయన భార్య లారా కూడా అదే స్కూల్లో గణితం బోధిస్తున్నారు. వీరికి ల్యూక్, ఓవెన్ అనే ఇద్దరు కుమారులు ఉన్నారు. ఎన్జీ3 సంస్థ ద్వారా విద్యార్థుల్లో వ్యక్తిత్వ వికాసం పెంపొందించే కార్యక్రమాల్లోనూ ఆయన ఎంతో చురుకుగా ఉండేవారు.
విద్యార్థులు సరదాకి చేసిన పని ఒక నిండు కుటుంబాన్ని రోడ్డున పడేయడంతో స్థానికంగా తీవ్ర విషాద ఛాయలు అలుముకున్నాయి. హ్యూస్ కుటుంబానికి ఆర్థికంగా అండగా నిలిచేందుకు స్థానికులు గోఫండ్మీ ద్వారా క్యాంపెయిన్ ప్రారంభించగా, ఇప్పటికే సుమారు 80,000 డాలర్లకు పైగా విరాళాలు సేకరించారు. ప్రాంక్ల పేరిట శృతిమించితే ఎలాంటి అనర్థాలు జరుగుతాయో చెప్పడానికి ఈ ఘటనే సజీవ సాక్ష్యమని పలువురు ఆవేదన వ్యక్తం చేస్తున్నారు. ఈ ఘటనపై పోలీసుల దర్యాప్తు ఇంకా ముమ్మరంగా కొనసాగుతోంది.
బయట అలికిడి కావడంతో ఏం జరుగుతుందో చూసేందుకు హ్యూస్ ఇంటి నుంచి బయటకు వచ్చారు. ఆయనను చూడగానే భయాందోళనలకు గురైన విద్యార్థులు అక్కడి నుంచి పారిపోయే ప్రయత్నం చేశారు. ఆ క్రమంలో బయటకు వచ్చిన హ్యూస్ అనుకోకుండా కాలు తడబడి రోడ్డుపై పడిపోయారు. సరిగ్గా అదే సమయంలో అక్కడి నుంచి తప్పించుకునే క్రమంలో 18 ఏళ్ల జేడెన్ ర్యాన్ వాలెస్ అనే విద్యార్థి పికప్ ట్రక్కును వేగంగా నడిపాడు. రోడ్డుపై పడి ఉన్న ఉపాధ్యాయుడిని తొక్కుకుటూ ఆ ట్రక్కు దూసుకెళ్లింది. తీవ్రంగా గాయపడిన ఆయనకు వెంటనే ప్రథమ చికిత్స అందించి నార్త్ఈస్ట్ జార్జియా మెడికల్ సెంటర్కు తరలించారు. అయితే తీవ్ర రక్తస్రావం కావడం వల్ల చికిత్స పొందుతూ ఆయన కన్నుమూశారు.
ఈ ప్రమాదంపై హాల్ కౌంటీ షెరీఫ్ కార్యాలయం దర్యాప్తు ప్రారంభించింది. నార్త్ గేట్ డ్రైవ్లో వాలెస్ వాహనం నడుపుతుండగా ఈ ఘోరం జరిగినట్లు పోలీసులు ఒక ప్రకటనలో స్పష్టం చేశారు. ప్రధాన నిందితుడైన వాలెస్పై తీవ్రమైన అభియోగాలు మోపారు. అతడితో పాటు ఉన్న మరో నలుగురు టీనేజర్లపై కూడా కేసులు నమోదు చేశారు.
హ్యూస్ మృతి పట్ల హాల్ కౌంటీ స్కూల్ డిస్ట్రిక్ట్ సూపరింటెండెంట్ విల్ షోఫీల్డ్ తీవ్ర దిగ్భ్రాంతి వ్యక్తం చేశారు. ఆయనొక ప్రేమాస్పద భర్త, మంచి తండ్రి, అత్యుత్తమ ఉపాధ్యాయుడని చెబుతూ కన్నీటి పర్యంతమయ్యారు. హ్యూస్ గతంలో పదేళ్ల పాటు గ్వినెట్లో పనిచేసి ఆ తర్వాత కుటుంబంతో సహా గెయిన్స్విల్కు మారారు. ఆయన భార్య లారా కూడా అదే స్కూల్లో గణితం బోధిస్తున్నారు. వీరికి ల్యూక్, ఓవెన్ అనే ఇద్దరు కుమారులు ఉన్నారు. ఎన్జీ3 సంస్థ ద్వారా విద్యార్థుల్లో వ్యక్తిత్వ వికాసం పెంపొందించే కార్యక్రమాల్లోనూ ఆయన ఎంతో చురుకుగా ఉండేవారు.
విద్యార్థులు సరదాకి చేసిన పని ఒక నిండు కుటుంబాన్ని రోడ్డున పడేయడంతో స్థానికంగా తీవ్ర విషాద ఛాయలు అలుముకున్నాయి. హ్యూస్ కుటుంబానికి ఆర్థికంగా అండగా నిలిచేందుకు స్థానికులు గోఫండ్మీ ద్వారా క్యాంపెయిన్ ప్రారంభించగా, ఇప్పటికే సుమారు 80,000 డాలర్లకు పైగా విరాళాలు సేకరించారు. ప్రాంక్ల పేరిట శృతిమించితే ఎలాంటి అనర్థాలు జరుగుతాయో చెప్పడానికి ఈ ఘటనే సజీవ సాక్ష్యమని పలువురు ఆవేదన వ్యక్తం చేస్తున్నారు. ఈ ఘటనపై పోలీసుల దర్యాప్తు ఇంకా ముమ్మరంగా కొనసాగుతోంది.
