Ali Khamenei: అమెరికా దాడుల్లో ఖమేనీ కుమార్తె, మనవరాలు మృతి.. ధ్రువీకరించిన ఇరాన్ మీడియా

ఇరాన్ సుప్రీం లీడర్ అయతొల్లా అలీ ఖమేనీ నివాసంపై జరిగిన వైమానిక దాడుల్లో ఆయన కుటుంబ సభ్యులు ప్రాణాలు కోల్పోయారు. అమెరికా, ఇజ్రాయెల్ దళాలు సంయుక్తంగా నిర్వహించిన ఈ దాడిలో ఖమేనీ కుమార్తె, మనుమరాలితో పాటు ఆయన అల్లుడు, కోడలు కూడా మరణించినట్లు ఇరాన్ ప్రభుత్వ మీడియా ధ్రువీకరించింది. ఖమేనీ నివాసం ఉండే కాంపౌండ్‌ను లక్ష్యంగా చేసుకుని జరిగిన ఈ దాడుల్లో ఆయన కుటుంబం మొత్తం చిక్కుకుపోయినట్లు తెలుస్తోంది.

ఖమేనీ మరణంపై ఇప్పటికే భిన్న కథనాలు వస్తున్న తరుణంలో, ఆయన కుటుంబ సభ్యుల మృతిని ఇరాన్ మీడియా స్వయంగా ప్రకటించడం గమనార్హం. ఖమేనీ వారసులు ఈ దాడుల్లో బలికావడం ఇరాన్ పాలకులకు కోలుకోలేని దెబ్బగా విశ్లేషకులు భావిస్తున్నారు. ప్రస్తుతం ఇరాన్ వ్యాప్తంగా తీవ్ర ఉద్రిక్త పరిస్థితులు నెలకొన్నాయి.