విజయ్ 'జన నాయగన్ 'విడుదలైనప్పుడే మాకు పొంగల్ పండుగ: జై
తమిళ స్టార్ హీరో విజయ్ నటిస్తున్న చివరి చిత్రం 'జన నాయగన్' విడుదల వాయిదా పడింది. సెన్సార్ బోర్డు నుంచి క్లియరెన్స్ రాకపోవడంతో, జనవరి 9న జరగాల్సిన విడుదల ఆగిపోయింది. ఈ పరిణామంపై విజయ్కు మద్దతుగా పలువురు తమిళ నటులు ముందుకొస్తున్నారు. సినిమా విడుదలైన రోజే తమకు అసలైన పండగ అని సోషల్ మీడియా వేదికగా పోస్టులు పెడుతున్నారు.
తాజాగా నటుడు జై, విజయ్కు మద్దతు తెలుపుతూ ఆసక్తికర ట్వీట్ చేశారు. "'జన నాయగన్' విడుదలయ్యే రోజే మాకు పొంగల్ పండుగ. ఆ రోజు కోసం ఒక అభిమానిగా, తమ్ముడిగా ఎదురుచూస్తున్నా. మిమ్మల్ని ఆపడానికి ఎన్నో అడ్డంకులు వస్తుంటాయి, కానీ వాటిని దాటుకుని రావడం మీకు కొత్తేమీ కాదు, అది మీ నైజం" అంటూ జై తన పోస్టులో పేర్కొన్నారు.
జై కంటే ముందుగా నటుడు శింబు కూడా విజయ్కు ధైర్యం చెప్పారు. "గతంలో ఎన్నో పెద్ద తుపానులను దాటిన మీకు ఇది ఒక లెక్క కాదు. 'జన నాయగన్' విడుదలైన రోజే అసలైన సంబరాలు మొదలవుతాయి" అని శింబు పేర్కొన్నారు. మరో నటుడు రవి మోహన్ స్పందిస్తూ, "కోట్లాది మంది సోదరుల్లో ఒకడిగా మీకు అండగా నిలుస్తున్నా. మీకు ఒక తేదీ అవసరం లేదు, మీరే ఒక ఓపెనింగ్" అని తన మద్దతును ప్రకటించారు.
బుధవారం రాత్రి 'జన నాయగన్' చిత్ర నిర్మాణ సంస్థ కేవీఎన్ ప్రొడక్షన్స్ ఈ వాయిదా నిర్ణయాన్ని అధికారికంగా ప్రకటించింది. "నియంత్రణలో లేని కొన్ని అనివార్య కారణాల వల్ల సినిమా విడుదలను వాయిదా వేస్తున్నాం. వీలైనంత త్వరగా కొత్త విడుదల తేదీని ప్రకటిస్తాం" అని నిర్మాణ సంస్థ తమ ప్రకటనలో పేర్కొంది.
తాజాగా నటుడు జై, విజయ్కు మద్దతు తెలుపుతూ ఆసక్తికర ట్వీట్ చేశారు. "'జన నాయగన్' విడుదలయ్యే రోజే మాకు పొంగల్ పండుగ. ఆ రోజు కోసం ఒక అభిమానిగా, తమ్ముడిగా ఎదురుచూస్తున్నా. మిమ్మల్ని ఆపడానికి ఎన్నో అడ్డంకులు వస్తుంటాయి, కానీ వాటిని దాటుకుని రావడం మీకు కొత్తేమీ కాదు, అది మీ నైజం" అంటూ జై తన పోస్టులో పేర్కొన్నారు.
జై కంటే ముందుగా నటుడు శింబు కూడా విజయ్కు ధైర్యం చెప్పారు. "గతంలో ఎన్నో పెద్ద తుపానులను దాటిన మీకు ఇది ఒక లెక్క కాదు. 'జన నాయగన్' విడుదలైన రోజే అసలైన సంబరాలు మొదలవుతాయి" అని శింబు పేర్కొన్నారు. మరో నటుడు రవి మోహన్ స్పందిస్తూ, "కోట్లాది మంది సోదరుల్లో ఒకడిగా మీకు అండగా నిలుస్తున్నా. మీకు ఒక తేదీ అవసరం లేదు, మీరే ఒక ఓపెనింగ్" అని తన మద్దతును ప్రకటించారు.
బుధవారం రాత్రి 'జన నాయగన్' చిత్ర నిర్మాణ సంస్థ కేవీఎన్ ప్రొడక్షన్స్ ఈ వాయిదా నిర్ణయాన్ని అధికారికంగా ప్రకటించింది. "నియంత్రణలో లేని కొన్ని అనివార్య కారణాల వల్ల సినిమా విడుదలను వాయిదా వేస్తున్నాం. వీలైనంత త్వరగా కొత్త విడుదల తేదీని ప్రకటిస్తాం" అని నిర్మాణ సంస్థ తమ ప్రకటనలో పేర్కొంది.