Kattadi Tirupati: మద్యం మత్తులో తిరుపతిలో ఆలయ గోపురంపైకి ఎక్కిన మందుబాబు.. వీడియో ఇదిగో!
తిరుపతిలోని ప్రసిద్ధ శ్రీ గోవిందరాజస్వామి ఆలయంలో శనివారం ఉదయం తీవ్ర కలకలం రేగింది. మద్యం మత్తులో ఉన్న ఓ వ్యక్తి ఆలయ గోపురం ఎక్కడంతో భక్తులు, భద్రతా సిబ్బంది ఒక్కసారిగా ఉలిక్కిపడ్డారు.
పోలీసులు తెలిపిన వివరాల ప్రకారం, నిజామాబాద్ జిల్లాకు చెందిన కట్టాడి తిరుపతి అనే వ్యక్తి ఈ ఘటనకు పాల్పడ్డాడు. శనివారం తెల్లవారుజామున, అతను భద్రతా సిబ్బంది కళ్లుగప్పి సుమారు 100 అడుగుల ఎత్తు ఉన్న ఆలయ గాలిగోపురంపైకి చేరుకున్నాడు. గంటకు పైగా అక్కడే ఉండిపోయాడు. ఈ సమాచారం అందుకున్న ఆలయ అధికారులు, పోలీసులు వెంటనే అప్రమత్తమయ్యారు. అగ్నిమాపక సిబ్బంది సహాయంతో అతన్ని సురక్షితంగా కిందకు దించారు. ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. అనంతరం అతన్ని అదుపులోకి తీసుకుని విచారణ కోసం పోలీస్ స్టేషన్కు తరలించారు.
"భద్రతా వలయాన్ని దాటుకుని ఆ వ్యక్తి గోపురం ఎక్కాడు. మా బృందాలు, అగ్నిమాపక సిబ్బంది వెంటనే స్పందించి ఆలయ నిర్మాణానికి ఎలాంటి నష్టం వాటిల్లకుండా అతన్ని కిందకు దించాయి" అని ఆలయ అధికారి ఒకరు తెలిపారు. భక్తుల రద్దీ ఎక్కువగా ఉన్న సమయంలో భద్రతా పర్యవేక్షణలో లోపం వల్లే ఇది జరిగిందని ప్రాథమిక దర్యాప్తులో తేలింది.
పోలీసులు తెలిపిన వివరాల ప్రకారం, నిజామాబాద్ జిల్లాకు చెందిన కట్టాడి తిరుపతి అనే వ్యక్తి ఈ ఘటనకు పాల్పడ్డాడు. శనివారం తెల్లవారుజామున, అతను భద్రతా సిబ్బంది కళ్లుగప్పి సుమారు 100 అడుగుల ఎత్తు ఉన్న ఆలయ గాలిగోపురంపైకి చేరుకున్నాడు. గంటకు పైగా అక్కడే ఉండిపోయాడు. ఈ సమాచారం అందుకున్న ఆలయ అధికారులు, పోలీసులు వెంటనే అప్రమత్తమయ్యారు. అగ్నిమాపక సిబ్బంది సహాయంతో అతన్ని సురక్షితంగా కిందకు దించారు. ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. అనంతరం అతన్ని అదుపులోకి తీసుకుని విచారణ కోసం పోలీస్ స్టేషన్కు తరలించారు.
"భద్రతా వలయాన్ని దాటుకుని ఆ వ్యక్తి గోపురం ఎక్కాడు. మా బృందాలు, అగ్నిమాపక సిబ్బంది వెంటనే స్పందించి ఆలయ నిర్మాణానికి ఎలాంటి నష్టం వాటిల్లకుండా అతన్ని కిందకు దించాయి" అని ఆలయ అధికారి ఒకరు తెలిపారు. భక్తుల రద్దీ ఎక్కువగా ఉన్న సమయంలో భద్రతా పర్యవేక్షణలో లోపం వల్లే ఇది జరిగిందని ప్రాథమిక దర్యాప్తులో తేలింది.
