Shafali Verma: శ్రీలంకతో టీ20 సిరీస్: భారత మహిళల జట్టు ఇదే... షఫాలీ వర్మ రీఎంట్రీ
- జట్టులోకి తిరిగి వచ్చిన స్టార్ ఓపెనర్ షఫాలీ వర్మ
- అండర్-19 ప్రపంచకప్ ఆడిన ఇద్దరు యువ ప్లేయర్లకు చోటు
- డిసెంబర్ 21 నుంచి విశాఖపట్నంలో ప్రారంభం కానున్న సిరీస్
- హర్మన్ప్రీత్ కౌర్ కెప్టెన్సీలో బరిలోకి దిగనున్న టీమిండియా
- స్థానాలు పదిలం చేసుకున్న తెలుగమ్మాయిలు శ్రీ చరణి, అరుంధతి రెడ్డి
ఇటీవల ముగిసిన మహిళల వన్డే ప్రపంచకప్ ఫైనల్లో అద్భుత ప్రదర్శనతో జట్టు విజయంలో కీలకపాత్ర పోషించిన స్టార్ ఓపెనర్ షఫాలీ వర్మ, తిరిగి భారత జట్టులోకి వచ్చింది. శ్రీలంకతో స్వదేశంలో జరగనున్న ఐదు మ్యాచ్ల టీ20 సిరీస్ కోసం 15 మంది సభ్యులతో కూడిన భారత జట్టును బీసీసీఐ మంగళవారం ప్రకటించింది. ఈ సిరీస్ డిసెంబర్ 21న ప్రారంభం కానుంది.
ఈ సిరీస్కు హర్మన్ప్రీత్ కౌర్ కెప్టెన్గా, స్మృతి మంధాన వైస్ కెప్టెన్గా వ్యవహరించనున్నారు. అండర్-19 మహిళల టీ20 ప్రపంచకప్లో భారత్ తరఫున ఆడిన జి. కమలిని, వైష్ణవి శర్మలకు తొలిసారి జాతీయ జట్టులో అవకాశం దక్కింది. తెలుగమ్మాయిలు శ్రీ చరణి (ఏపీ), అరుంధతి రెడ్డి (తెలంగాణ) జట్టులో తమ స్థానాలను పదిలం చేసుకున్నారు.
"శ్రీలంక మహిళలతో జరగబోయే ఐదు మ్యాచ్ల టీ20 సిరీస్ కోసం భారత జట్టును మహిళల సెలక్షన్ కమిటీ ఎంపిక చేసింది" అని బీసీసీఐ ఒక ప్రకటనలో తెలిపింది.
సిరీస్లోని తొలి రెండు మ్యాచ్లకు విశాఖపట్నం ఆతిథ్యం ఇవ్వనుంది. డిసెంబర్ 21, 23 తేదీల్లో ఇక్కడే మ్యాచ్లు జరుగుతాయి. ఆ తర్వాత చివరి మూడు టీ20లు తిరువనంతపురంలో డిసెంబర్ 26, 28, 30 తేదీల్లో నిర్వహించనున్నారు. 2026లో ఇంగ్లండ్లో జరగనున్న ఐసీసీ మహిళల టీ20 ప్రపంచకప్కు సన్నాహకంగా ఇరు జట్లకు ఈ సిరీస్ కీలకం కానుంది.
భారత జట్టు: హర్మన్ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), దీప్తి శర్మ, స్నేహ్ రాణా, జెమీమా రోడ్రిగ్స్, షఫాలీ వర్మ, హర్లీన్ డియోల్, అమన్జోత్ కౌర్, అరుంధతి రెడ్డి, క్రాంతి గౌడ్, రేణుకా సింగ్ ఠాకూర్, రిచా ఘోష్ (వికెట్ కీపర్), జి. కమలిని (వికెట్ కీపర్), శ్రీ చరణి, వైష్ణవి శర్మ.
ఈ సిరీస్కు హర్మన్ప్రీత్ కౌర్ కెప్టెన్గా, స్మృతి మంధాన వైస్ కెప్టెన్గా వ్యవహరించనున్నారు. అండర్-19 మహిళల టీ20 ప్రపంచకప్లో భారత్ తరఫున ఆడిన జి. కమలిని, వైష్ణవి శర్మలకు తొలిసారి జాతీయ జట్టులో అవకాశం దక్కింది. తెలుగమ్మాయిలు శ్రీ చరణి (ఏపీ), అరుంధతి రెడ్డి (తెలంగాణ) జట్టులో తమ స్థానాలను పదిలం చేసుకున్నారు.
"శ్రీలంక మహిళలతో జరగబోయే ఐదు మ్యాచ్ల టీ20 సిరీస్ కోసం భారత జట్టును మహిళల సెలక్షన్ కమిటీ ఎంపిక చేసింది" అని బీసీసీఐ ఒక ప్రకటనలో తెలిపింది.
సిరీస్లోని తొలి రెండు మ్యాచ్లకు విశాఖపట్నం ఆతిథ్యం ఇవ్వనుంది. డిసెంబర్ 21, 23 తేదీల్లో ఇక్కడే మ్యాచ్లు జరుగుతాయి. ఆ తర్వాత చివరి మూడు టీ20లు తిరువనంతపురంలో డిసెంబర్ 26, 28, 30 తేదీల్లో నిర్వహించనున్నారు. 2026లో ఇంగ్లండ్లో జరగనున్న ఐసీసీ మహిళల టీ20 ప్రపంచకప్కు సన్నాహకంగా ఇరు జట్లకు ఈ సిరీస్ కీలకం కానుంది.
భారత జట్టు: హర్మన్ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), దీప్తి శర్మ, స్నేహ్ రాణా, జెమీమా రోడ్రిగ్స్, షఫాలీ వర్మ, హర్లీన్ డియోల్, అమన్జోత్ కౌర్, అరుంధతి రెడ్డి, క్రాంతి గౌడ్, రేణుకా సింగ్ ఠాకూర్, రిచా ఘోష్ (వికెట్ కీపర్), జి. కమలిని (వికెట్ కీపర్), శ్రీ చరణి, వైష్ణవి శర్మ.
