తన మేనేజర్ కుమార్తె బారసాల వేడుకకు హాజరైన చిరంజీవి... వీడియో ఇదిగో!

మెగాస్టార్ చిరంజీవి తన మేనేజర్ స్వామినాథ్ కుమార్తె నామకరణ వేడుకకు ఆయన సతీసమేతంగా హాజరై సందడి చేశారు. చిరంజీవి, సురేఖ దంపతులు ఈ కార్యక్రమానికి విచ్చేసి చిన్నారిని మనసారా ఆశీర్వదించారు. స్వామినాథ్ కుటుంబ సభ్యులతో కలిసి ఆప్యాయంగా మాట్లాడారు. ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్‌గా మారింది. స్టార్ హీరో అయినప్పటికీ తన సిబ్బంది కుటుంబ వేడుకకు హాజరైన చిరంజీవి నిరాడంబరతను అభిమానులు, నెటిజన్లు ప్రశంసిస్తున్నారు.

ఇక సినిమాల విషయానికొస్తే, చిరంజీవి ప్రస్తుతం యువ దర్శకుడు అనిల్ రావిపూడి దర్శకత్వంలో 'మన శంకర వరప్రసాద్ గారు' అనే చిత్రంలో నటిస్తున్నారు. పూర్తి వినోదాత్మకంగా తెరకెక్కుతున్న ఈ సినిమాలో ఆయన సరసన నయనతార హీరోయిన్‌గా నటిస్తున్నారు. ఈ చిత్రం నుంచి ఇప్పటికే విడుదలైన అప్‌డేట్‌లు, ముఖ్యంగా ‘మీసాల పిల్ల’ అనే పాటకు ప్రేక్షకుల నుంచి అద్భుతమైన స్పందన లభిస్తోంది.