ప్రపంచ రికార్డు సృష్టించిన టర్కీ మానవరహిత 'కిజెలెల్మా' యుద్ధ విమానం.. వీడియో ఇదిగో!
- గగనతలంలోని లక్ష్యాన్ని క్షిపణితో విజయవంతంగా ఛేదించిన వైనం
- ప్రపంచంలో ఈ ఘనత సాధించిన మొట్టమొదటి యూసీఏవీగా గుర్తింపు
- ఇది వైమానిక చరిత్రలో ఒక నూతన శకమని సంస్థ ప్రతినిధుల వెల్లడి
ప్రపంచ వైమానిక రంగంలో టర్కీ సరికొత్త చరిత్ర సృష్టించింది. ఆ దేశానికి చెందిన మానవరహిత యుద్ధ విమానం (UCAV) 'కిజెలెల్మా' తొలిసారిగా గగనతలంలోని ఒక జెట్ టార్గెట్ను గాలి నుంచి గాలిలోకి ప్రయోగించే క్షిపణితో అత్యంత కచ్చితంగా ఛేదించింది. ఈ అరుదైన ఘనత సాధించిన ప్రపంచంలోనే మొట్టమొదటి మానవరహిత యుద్ధ విమానంగా కిజెలెల్మా రికార్డులకెక్కింది.
నవంబర్ 30న సినోప్ ఫైరింగ్ ఏరియాలో ఈ కీలక పరీక్షను నిర్వహించారు. ఈ ప్రయోగంలో భాగంగా, కిజెలెల్మా యుద్ధ విమానం ఐదు ఎఫ్-15 ఫైటర్ జెట్లతో కలిసి ప్రయాణించింది. రాడార్ నుంచి అందిన సమాచారంతో, తన రెక్క కింద అమర్చిన 'గోక్డోగన్' క్షిపణిని ప్రయోగించి, టార్గెట్ డ్రోన్ను విజయవంతంగా నాశనం చేసింది. ఈ ఆపరేషన్లో అసెల్సాన్ సంస్థకు చెందిన 'మురాద్ ఏసా' రాడార్ కీలక పాత్ర పోషించింది.
ఈ చారిత్రక విజయంపై టర్కీకి చెందిన ప్రముఖ ప్రైవేట్ రక్షణ రంగ సంస్థ, కిజెలెల్మా తయారీదారు అయిన 'బేకర్' హర్షం వ్యక్తం చేసింది. సంస్థ చైర్మన్, చీఫ్ టెక్నాలజీ ఆఫీసర్ అయిన సెల్యుక్ బేరక్తార్ మాట్లాడుతూ "వైమానిక చరిత్రలో మేం ఒక కొత్త శకానికి తలుపులు తెరిచాం. ప్రపంచంలో తొలిసారిగా ఒక మానవరహిత యుద్ధ విమానం రాడార్ గైడెన్స్తో క్షిపణిని ప్రయోగించి, గగనతల లక్ష్యాన్ని కచ్చితత్వంతో ఛేదించింది" అని వివరించారు.
'బేకర్' సంస్థ తన ప్రతిష్ఠాత్మక 'మియస్' ప్రాజెక్టులో భాగంగా కిజెలెల్మాను అభివృద్ధి చేసింది. బేరక్తార్ టీబీ2 డ్రోన్లతో ప్రపంచవ్యాప్తంగా గుర్తింపు పొందిన ఈ సంస్థ, ఇప్పుడు కిజెలెల్మాతో మరో ముందడుగు వేసింది. శత్రు రాడార్లకు సులభంగా చిక్కని స్టెల్త్ టెక్నాలజీ, అత్యాధునిక సెన్సార్లు, విమాన వాహక నౌకల నుంచి టేకాఫ్ అయ్యే సామర్థ్యం దీని ప్రత్యేకతలు. భవిష్యత్తులో సూపర్సోనిక్ వేగంతో ప్రయాణించే కిజెలెల్మా-బి, కిజెలెల్మా-సి వేరియంట్లను కూడా తీసుకురావడానికి సన్నాహాలు చేస్తున్నారు.
నవంబర్ 30న సినోప్ ఫైరింగ్ ఏరియాలో ఈ కీలక పరీక్షను నిర్వహించారు. ఈ ప్రయోగంలో భాగంగా, కిజెలెల్మా యుద్ధ విమానం ఐదు ఎఫ్-15 ఫైటర్ జెట్లతో కలిసి ప్రయాణించింది. రాడార్ నుంచి అందిన సమాచారంతో, తన రెక్క కింద అమర్చిన 'గోక్డోగన్' క్షిపణిని ప్రయోగించి, టార్గెట్ డ్రోన్ను విజయవంతంగా నాశనం చేసింది. ఈ ఆపరేషన్లో అసెల్సాన్ సంస్థకు చెందిన 'మురాద్ ఏసా' రాడార్ కీలక పాత్ర పోషించింది.
ఈ చారిత్రక విజయంపై టర్కీకి చెందిన ప్రముఖ ప్రైవేట్ రక్షణ రంగ సంస్థ, కిజెలెల్మా తయారీదారు అయిన 'బేకర్' హర్షం వ్యక్తం చేసింది. సంస్థ చైర్మన్, చీఫ్ టెక్నాలజీ ఆఫీసర్ అయిన సెల్యుక్ బేరక్తార్ మాట్లాడుతూ "వైమానిక చరిత్రలో మేం ఒక కొత్త శకానికి తలుపులు తెరిచాం. ప్రపంచంలో తొలిసారిగా ఒక మానవరహిత యుద్ధ విమానం రాడార్ గైడెన్స్తో క్షిపణిని ప్రయోగించి, గగనతల లక్ష్యాన్ని కచ్చితత్వంతో ఛేదించింది" అని వివరించారు.
'బేకర్' సంస్థ తన ప్రతిష్ఠాత్మక 'మియస్' ప్రాజెక్టులో భాగంగా కిజెలెల్మాను అభివృద్ధి చేసింది. బేరక్తార్ టీబీ2 డ్రోన్లతో ప్రపంచవ్యాప్తంగా గుర్తింపు పొందిన ఈ సంస్థ, ఇప్పుడు కిజెలెల్మాతో మరో ముందడుగు వేసింది. శత్రు రాడార్లకు సులభంగా చిక్కని స్టెల్త్ టెక్నాలజీ, అత్యాధునిక సెన్సార్లు, విమాన వాహక నౌకల నుంచి టేకాఫ్ అయ్యే సామర్థ్యం దీని ప్రత్యేకతలు. భవిష్యత్తులో సూపర్సోనిక్ వేగంతో ప్రయాణించే కిజెలెల్మా-బి, కిజెలెల్మా-సి వేరియంట్లను కూడా తీసుకురావడానికి సన్నాహాలు చేస్తున్నారు.