రెండో టెస్టు: 500 పరుగులు దాటిన సఫారీల ఆధిక్యం

గువాహ‌టి వేదిక‌గా దక్షిణాఫ్రికాతో జరుగుతున్న రెండో టెస్టు నాలుగో రోజు ఆటలో భారత స్పిన్నర్ రవీంద్ర జడేజా మరో కీలక వికెట్ పడగొట్టాడు. నిలకడగా ఆడుతున్న సఫారీ బ్యాటర్ టోనీ డి జోర్జిని 49 పరుగుల వద్ద ఔట్ చేసి, అతడి హాఫ్ సెంచరీకి అడ్డుకట్ట వేశాడు. ఈ వికెట్‌తో జడేజా ఈ ఇన్నింగ్స్‌లో మూడో వికెట్‌ను తన ఖాతాలో వేసుకున్నాడు.

అయితే, ఈ వికెట్ తీసినప్పటికీ మ్యాచ్‌పై దక్షిణాఫ్రికా పూర్తి ఆధిపత్యం కొనసాగిస్తోంది. ఆ జట్టు ఆధిక్యం ఇప్పటికే 500 పరుగులు దాటింది. డి జోర్జి ఔటైన తర్వాత ట్రిస్టన్ స్టబ్స్‌కు వియాన్ ముల్డర్ జతకలిశాడు. మరో బలమైన భాగస్వామ్యం నెలకొల్పి భారీ స్కోరు సాధించాలని సఫారీలు భావిస్తున్నారు.

మరోవైపు, భారత బౌలర్లు వికెట్లు తీసి దక్షిణాఫ్రికాను కట్టడి చేసేందుకు తీవ్రంగా శ్రమిస్తున్నారు. పేస్ బౌలర్ జస్ప్రీత్ బుమ్రా నేతృత్వంలోని బౌలింగ్ విభాగం ప్రత్యర్థిపై ఒత్తిడి పెంచేందుకు ప్రయత్నిస్తోంది. మూడో రోజు ఆటలో భారత బ్యాటర్లు దక్షిణాఫ్రికా బౌలింగ్ ధాటికి చేతులెత్తేయడం తెలిసిందే. 

నేడు భోజ‌న విరామానికి స‌ఫారీ జ‌ట్టు రెండో ఇన్నింగ్స్‌లో నాలుగు వికెట్లు కోల్పోయి 220 ప‌రుగులు చేసింది. క్రీజులో స్టబ్స్‌(60), ముల్డర్ (29) ఉన్నారు.