షమీకి గంగూలీ పూర్తి మద్దతు.. సెలక్టర్ల తీరుపై దాదా అసంతృప్తి!
- షమీని పక్కనపెట్టడంపై సెలక్టర్ల నిర్ణయాన్ని తప్పుబట్టిన దాదా
- రంజీ ట్రోఫీలో అద్భుత ప్రదర్శనతో సత్తా చాటుతున్న షమీ
- బెంగాల్ తరఫున 3 మ్యాచ్ ల్లోనే 15 వికెట్లు పడగొట్టిన వెటరన్ పేసర్
టీమిండియా వెటరన్ ఫాస్ట్ బౌలర్ మహమ్మద్ షమీకి భారత మాజీ కెప్టెన్, బెంగాల్ క్రికెట్ అసోసియేషన్ అధ్యక్షుడు సౌరవ్ గంగూలీ పూర్తి మద్దతు ప్రకటించాడు. షమీ ఇప్పటికీ అన్ని ఫార్మాట్లలోనూ భారతదేశపు అత్యుత్తమ పేసర్లలో ఒకడని, అతడిని తిరిగి జట్టులోకి తీసుకోవాలని గంగూలీ బలంగా వాదించాడు. షమీ ఫిట్నెస్పై చర్చ జరుగుతున్న నేపథ్యంలో దాదా వ్యాఖ్యలు ప్రాధాన్యం సంతరించుకున్నాయి.
దక్షిణాఫ్రికాతో టెస్ట్ సిరీస్ ప్రారంభం కానున్న నేపథ్యంలో కోల్కతాలో గంగూలీ మీడియాతో మాట్లాడారు. "షమీ అద్భుతంగా బౌలింగ్ చేస్తున్నాడు. అతను పూర్తి ఫిట్గా ఉన్నాడు. రంజీ ట్రోఫీలో ఒంటిచేత్తో బెంగాల్కు విజయాలు అందించడం మనం చూశాం. అలాంటి బౌలర్ను టెస్టులు, వన్డేలు, టీ20లకు ఎందుకు ఎంపిక చేయడం లేదో నాకు అర్థం కావడం లేదు" అని వ్యాఖ్యానించాడు.
అజిత్ అగార్కర్ నేతృత్వంలోని సెలక్షన్ కమిటీ, యువ బౌలర్లకు అవకాశం ఇవ్వాలనే ఉద్దేశంతో షమీని పక్కనపెడుతున్నట్లు తెలుస్తోంది. ఈ ఏడాది జరిగిన ఐసీసీ ఛాంపియన్స్ ట్రోఫీ ఫైనల్ తర్వాత షమీ భారత జట్టులో చోటు కోల్పోయాడు. ఫిట్నెస్ సమస్యల కారణంగానే అతడిని ఎంపిక చేయడం లేదని, షమీతో నిరంతరం సంప్రదింపులు జరుపుతున్నామని చీఫ్ సెలక్టర్ అగార్కర్ గతంలో తెలిపాడు. అయితే, తాను పూర్తి ఫిట్గా ఉన్నానని, ఆడేందుకు సిద్ధంగా ఉన్నానని షమీ చెబుతున్నాడు. ఈ నేపథ్యంలో గంగూలీ వ్యాఖ్యలు బోర్డు, ఆటగాడి మధ్య కమ్యూనికేషన్ గ్యాప్ను సూచిస్తున్నాయి. జీ న్యూస్ కథనం ప్రకారం, సెలక్టర్ల తీరుపై షమీ కూడా అసంతృప్తితో ఉన్నట్లు తెలుస్తోంది.
జాతీయ జట్టుకు దూరమైనప్పటికీ, మహమ్మద్ షమీ (35) దేశవాళీ క్రికెట్లో అదరగొడుతున్నాడు. 2025-26 రంజీ ట్రోఫీ సీజన్లో బెంగాల్ తరఫున ఆడిన 3 మ్యాచ్ ల్లోనే 15.13 సగటుతో 15 వికెట్లు పడగొట్టాడు. ఉత్తరాఖండ్తో జరిగిన మ్యాచ్లో 7 వికెట్లు తీయగా, గుజరాత్పై 5 వికెట్ల ప్రదర్శనతో (5/38) బెంగాల్ను గెలిపించాడు. అతని నిలకడైన ప్రదర్శన, ఫిట్నెస్ చూస్తుంటే ఇంగ్లండ్, దక్షిణాఫ్రికా వంటి కీలక సిరీస్లకు అతడిని ఎంపిక చేయాలనే వాదన బలపడుతోంది.
భారత్ తరఫున 400లకు పైగా అంతర్జాతీయ వికెట్లు తీసిన షమీ అనుభవం జట్టుకు ఎంతో అవసరమని గంగూలీ అన్నారు. "అన్ని ఫార్మాట్లలో రాణించే సత్తా షమీకి ఉంది. అతను కేవలం వికెట్లు తీసే బౌలర్ మాత్రమే కాదు.. బౌలింగ్ విభాగానికి అనుభవాన్ని, నాయకత్వ పటిమను తీసుకువస్తాడు" అని గంగూలీ వివరించారు.
దక్షిణాఫ్రికాతో టెస్ట్ సిరీస్ ప్రారంభం కానున్న నేపథ్యంలో కోల్కతాలో గంగూలీ మీడియాతో మాట్లాడారు. "షమీ అద్భుతంగా బౌలింగ్ చేస్తున్నాడు. అతను పూర్తి ఫిట్గా ఉన్నాడు. రంజీ ట్రోఫీలో ఒంటిచేత్తో బెంగాల్కు విజయాలు అందించడం మనం చూశాం. అలాంటి బౌలర్ను టెస్టులు, వన్డేలు, టీ20లకు ఎందుకు ఎంపిక చేయడం లేదో నాకు అర్థం కావడం లేదు" అని వ్యాఖ్యానించాడు.
అజిత్ అగార్కర్ నేతృత్వంలోని సెలక్షన్ కమిటీ, యువ బౌలర్లకు అవకాశం ఇవ్వాలనే ఉద్దేశంతో షమీని పక్కనపెడుతున్నట్లు తెలుస్తోంది. ఈ ఏడాది జరిగిన ఐసీసీ ఛాంపియన్స్ ట్రోఫీ ఫైనల్ తర్వాత షమీ భారత జట్టులో చోటు కోల్పోయాడు. ఫిట్నెస్ సమస్యల కారణంగానే అతడిని ఎంపిక చేయడం లేదని, షమీతో నిరంతరం సంప్రదింపులు జరుపుతున్నామని చీఫ్ సెలక్టర్ అగార్కర్ గతంలో తెలిపాడు. అయితే, తాను పూర్తి ఫిట్గా ఉన్నానని, ఆడేందుకు సిద్ధంగా ఉన్నానని షమీ చెబుతున్నాడు. ఈ నేపథ్యంలో గంగూలీ వ్యాఖ్యలు బోర్డు, ఆటగాడి మధ్య కమ్యూనికేషన్ గ్యాప్ను సూచిస్తున్నాయి. జీ న్యూస్ కథనం ప్రకారం, సెలక్టర్ల తీరుపై షమీ కూడా అసంతృప్తితో ఉన్నట్లు తెలుస్తోంది.
జాతీయ జట్టుకు దూరమైనప్పటికీ, మహమ్మద్ షమీ (35) దేశవాళీ క్రికెట్లో అదరగొడుతున్నాడు. 2025-26 రంజీ ట్రోఫీ సీజన్లో బెంగాల్ తరఫున ఆడిన 3 మ్యాచ్ ల్లోనే 15.13 సగటుతో 15 వికెట్లు పడగొట్టాడు. ఉత్తరాఖండ్తో జరిగిన మ్యాచ్లో 7 వికెట్లు తీయగా, గుజరాత్పై 5 వికెట్ల ప్రదర్శనతో (5/38) బెంగాల్ను గెలిపించాడు. అతని నిలకడైన ప్రదర్శన, ఫిట్నెస్ చూస్తుంటే ఇంగ్లండ్, దక్షిణాఫ్రికా వంటి కీలక సిరీస్లకు అతడిని ఎంపిక చేయాలనే వాదన బలపడుతోంది.
భారత్ తరఫున 400లకు పైగా అంతర్జాతీయ వికెట్లు తీసిన షమీ అనుభవం జట్టుకు ఎంతో అవసరమని గంగూలీ అన్నారు. "అన్ని ఫార్మాట్లలో రాణించే సత్తా షమీకి ఉంది. అతను కేవలం వికెట్లు తీసే బౌలర్ మాత్రమే కాదు.. బౌలింగ్ విభాగానికి అనుభవాన్ని, నాయకత్వ పటిమను తీసుకువస్తాడు" అని గంగూలీ వివరించారు.