'కాంత' మూవీ ట్రైలర్ రిలీజ్ చేయనున్న ప్రభాస్

ప్రముఖ నటుడు దుల్కర్ సల్మాన్ హీరోగా నటిస్తున్న తాజా చిత్రం ‘కాంత’ నుంచి ఓ ఆసక్తికరమైన అప్‌డేట్ వెలువడింది. ఈ సినిమా ట్రైలర్‌ను పాన్ ఇండియా స్టార్, రెబల్ స్టార్ ప్రభాస్ విడుదల చేయనున్నారు. ఈ విషయాన్ని చిత్రబృందం అధికారికంగా ప్రకటిస్తూ ఓ ప్రత్యేక పోస్టర్‌ను విడుదల చేసింది. నవంబర్ 6వ తేదీ (గురువారం) ఉదయం 11 గంటలకు ఈ ట్రైలర్ ప్రేక్షకుల ముందుకు రానుంది.

సెల్వమణి సెల్వరాజ్ దర్శకత్వం వహిస్తున్న ఈ చిత్రం 1960ల కాలం నాటి పీరియాడిక్ డ్రామా కథాంశంతో తెరకెక్కుతోంది. ఇప్పటికే విడుదలైన ప్రచార చిత్రాలు సినిమాపై మంచి అంచనాలను క్రియేట్ చేశాయి. ఆనాటి కాలానికి తగ్గట్టుగా తీర్చిదిద్దిన సెట్లు, కాస్ట్యూమ్స్, విజువల్స్‌తో ప్రేక్షకులను కొత్త ప్రపంచంలోకి తీసుకెళ్లేందుకు మేకర్స్ సిద్ధమవుతున్నారు. ఈ మధ్య కాలంలో దుల్కర్ సల్మాన్ కథల ఎంపికలో చాలా జాగ్రత్తగా వ్యవహరిస్తుండటంతో ‘కాంత’పై అంచనాలు మరింత పెరిగాయి.

ఇదిలా ఉండగా, ప్రభాస్ ఈ సినిమా ట్రైలర్‌ను విడుదల చేయడం వెనుక ఓ సెంటిమెంట్ ఉందనే చర్చ పరిశ్రమ వర్గాల్లో నడుస్తోంది. ఇటీవల ప్రభాస్ మద్దతు ఇచ్చిన ‘కాంతార’, ‘మిరాయ్’ వంటి చిత్రాలు బాక్సాఫీస్ వద్ద బ్లాక్‌బస్టర్ విజయాలు సాధించాయి. దీంతో ప్రభాస్ సపోర్ట్ ఓ సక్సెస్ సెంటిమెంట్‌గా మారింది. ఇదే కోవలో ‘కాంత’ మేకర్స్ కూడా ప్రభాస్ చేతుల మీదుగా ట్రైలర్‌ను లాంచ్ చేయిస్తున్నారని టాక్ వినిపిస్తోంది.

మొత్తానికి, ప్రభాస్ సపోర్ట్‌తో సినిమాపై హైప్ మరింత పెరిగింది. మరి ఈ ట్రైలర్ ఎలా ఉండబోతుందో చూడాలి. ఈ చిత్రాన్ని నవంబర్ 14న ప్రపంచవ్యాప్తంగా థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు.