Tilak Varma: టీమిండియా యువ క్రికెటర్ ను సన్మానించిన మెగాస్టార్ చిరంజీవి
మెగాస్టార్ చిరంజీవిని టీమిండియా యువ క్రికెటర్, తెలుగు తేజం తిలక్ వర్మ మర్యాదపూర్వకంగా కలిశాడు. ప్రస్తుతం చిరంజీవి నటిస్తున్న 'మన శంకర వరప్రసాద్ గారు' సినిమా సెట్స్లో ఈ సమావేశం జరిగింది. ఇటీవల జరిగిన ఆసియా కప్ ఫైనల్లో పాకిస్థాన్పై భారత జట్టు విజయంలో తిలక్ వర్మ కీలక పాత్ర పోషించిన సంగతి తెలిసిందే. ఈ నేపథ్యంలో, యువ క్రీడాకారుడిని అభినందించేందుకు చిరంజీవి ఆయన్ను తన సెట్స్కు ఆహ్వానించారు.
ఈ సందర్భంగా తిలక్ వర్మను చిరంజీవి పూలమాలతో ఘనంగా సత్కరించారు. అంతర్జాతీయ స్థాయిలో అద్భుతమైన ప్రతిభ కనబరుస్తున్న తీరును మెగాస్టార్ ప్రత్యేకంగా ప్రశంసించారు. భవిష్యత్తులో మరిన్ని విజయాలు సాధించాలని ఆకాంక్షించారు. చిరంజీవిలాంటి అగ్ర నటుడి నుంచి ప్రశంసలు అందుకోవడం పట్ల తిలక్ వర్మ తన సంతోషాన్ని వ్యక్తం చేశాడు.
అనంతరం 'మన శంకర వరప్రసాద్ గారు' చిత్ర బృందం తిలక్ వర్మతో కేక్ కట్ చేయించి తమ ఆనందాన్ని పంచుకుంది. ఈ కార్యక్రమంలో చిత్ర యూనిట్ సభ్యులు కూడా పాల్గొన్నారు. ఇద్దరు ప్రముఖులు ఒకేచోట కనిపించడంతో ఆ ప్రాంతంలో సందడి వాతావరణం నెలకొంది. ఈ కార్యక్రమానికి సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి. ఒకే ఫ్రేమ్లో సినీ, క్రీడా రంగాలకు చెందిన ఇద్దరు తారలు కనిపించడంతో అభిమానులు ఆనందం వ్యక్తం చేస్తున్నారు.
ఈ సందర్భంగా తిలక్ వర్మను చిరంజీవి పూలమాలతో ఘనంగా సత్కరించారు. అంతర్జాతీయ స్థాయిలో అద్భుతమైన ప్రతిభ కనబరుస్తున్న తీరును మెగాస్టార్ ప్రత్యేకంగా ప్రశంసించారు. భవిష్యత్తులో మరిన్ని విజయాలు సాధించాలని ఆకాంక్షించారు. చిరంజీవిలాంటి అగ్ర నటుడి నుంచి ప్రశంసలు అందుకోవడం పట్ల తిలక్ వర్మ తన సంతోషాన్ని వ్యక్తం చేశాడు.
అనంతరం 'మన శంకర వరప్రసాద్ గారు' చిత్ర బృందం తిలక్ వర్మతో కేక్ కట్ చేయించి తమ ఆనందాన్ని పంచుకుంది. ఈ కార్యక్రమంలో చిత్ర యూనిట్ సభ్యులు కూడా పాల్గొన్నారు. ఇద్దరు ప్రముఖులు ఒకేచోట కనిపించడంతో ఆ ప్రాంతంలో సందడి వాతావరణం నెలకొంది. ఈ కార్యక్రమానికి సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి. ఒకే ఫ్రేమ్లో సినీ, క్రీడా రంగాలకు చెందిన ఇద్దరు తారలు కనిపించడంతో అభిమానులు ఆనందం వ్యక్తం చేస్తున్నారు.
