సీఎం చంద్రబాబుకు కుమార్తె పెళ్లి కార్డు అందించిన మంత్రి నిమ్మల రామానాయుడు

ఆంధ్రప్రదేశ్ ముఖ్యమంత్రి చంద్రబాబును రాష్ట్ర జలవనరుల శాఖ మంత్రి నిమ్మల రామానాయుడు గురువారం మర్యాదపూర్వకంగా కలిశారు. ఉండవల్లిలోని ముఖ్యమంత్రి క్యాంపు కార్యాలయంలో కుటుంబ సమేతంగా సీఎంను కలిసిన ఆయన, తన కుమార్తె వివాహానికి హాజరు కావాల్సిందిగా ఆయన్ను ఆహ్వానించారు.

ఈ సందర్భంగా మంత్రి నిమ్మల తన కుమార్తె శ్రీజ వివాహ ఆహ్వాన పత్రికను ముఖ్యమంత్రి చంద్రబాబుకు అందజేశారు. ఈనెల 24వ తేదీన పశ్చిమ గోదావరి జిల్లా పాలకొల్లులో ఈ వివాహ వేడుక జరగనుందని ఆయన ముఖ్యమంత్రికి తెలిపారు.

కుటుంబ సభ్యులతో కలిసి వచ్చి తనను వ్యక్తిగతంగా ఆహ్వానించిన మంత్రి నిమ్మల రామానాయుడుకు ముఖ్యమంత్రి చంద్రబాబు శుభాకాంక్షలు తెలియజేశారు. ఈ భేటీలో మంత్రి కుటుంబ సభ్యులు కూడా పాల్గొన్నారు.