Fatima Sana: 'ధోనీలా అవ్వాలని ఉంది'.. వరల్డ్కప్కి ముందు పాక్ కెప్టెన్ ఆసక్తికర వ్యాఖ్యలు
- భారత మాజీ కెప్టెన్ ధోనీయే తనకు స్ఫూర్తి అంటున్న పాక్ మహిళా కెప్టెన్ ఫాతిమా సనా
- ధోనీ ప్రశాంతత, నిర్ణయాలు తీసుకునే తీరు నుంచి ఎంతో నేర్చుకున్నానని వెల్లడి
- త్వరలో ప్రారంభం కానున్న మహిళల వన్డే ప్రపంచకప్పై ఫాతిమా ధీమా
- ఈసారి టోర్నీలో సెమీ ఫైనల్స్కు చేరడమే తమ లక్ష్యమని స్పష్టీకరణ
- పాక్లో మహిళల క్రికెట్ అభివృద్ధికి ఈ వరల్డ్ కప్ ప్రదర్శన చాలా కీలకమని వ్యాఖ్య
మహిళల వన్డే ప్రపంచకప్కు నెల రోజుల కన్నా తక్కువ సమయం ఉన్న నేపథ్యంలో పాకిస్థాన్ మహిళల క్రికెట్ జట్టు కెప్టెన్ ఫాతిమా సనా ఆసక్తికర వ్యాఖ్యలు చేసింది. భారత క్రికెట్ దిగ్గజం, మాజీ కెప్టెన్ మహేంద్ర సింగ్ ధోనీ నాయకత్వ పటిమ తనకు ఎంతో స్ఫూర్తినిస్తుందని ఆమె పేర్కొంది. కీలకమైన ప్రపంచకప్ టోర్నమెంట్లో ధోనీ అనుసరించిన వ్యూహాలతోనే తన జట్టును ముందుకు నడిపించాలనే ఆలోచనలో ఉన్నట్లు తెలిపింది.
పీటీఐ వార్తా సంస్థకు ఇచ్చిన ఒక ఇంటర్వ్యూలో ఫాతిమా సనా మాట్లాడుతూ.. "ప్రపంచకప్ లాంటి అతిపెద్ద టోర్నమెంట్లో కెప్టెన్సీ చేసేటప్పుడు మొదట్లో కొద్దిగా ఆందోళనగా అనిపించడం సహజం. కానీ, కెప్టెన్గా నేను మహేంద్ర సింగ్ ధోనీ నుంచి ప్రేరణ పొందుతాను. మైదానంలో అతడు తీసుకునే నిర్ణయాలు, ప్రదర్శించే ప్రశాంతత, తన ఆటగాళ్లకు అండగా నిలిచే విధానం నుంచి నేర్చుకోవాల్సింది చాలా ఉంది. నాకు కెప్టెన్సీ బాధ్యతలు అప్పగించినప్పుడు, నేను ధోనీలా అవ్వాలని నిశ్చయించుకున్నాను. అతడి ఇంటర్వ్యూలు చూడటం ద్వారా కూడా ఎన్నో విషయాలు తెలుసుకున్నాను" అని ఫాతిమా వెల్లడించింది.
ఈసారి ప్రపంచకప్లో తమ జట్టు సెమీ ఫైనల్స్ చేరడమే లక్ష్యమని ఆమె స్పష్టం చేసింది. "గత రికార్డుల జంక్స్ను ఈసారి కచ్చితంగా బ్రేక్ చేస్తాం. పాకిస్థాన్ మహిళల క్రికెట్కు ఈ టోర్నమెంట్ ఎంత ముఖ్యమో యువ క్రీడాకారిణులకు బాగా తెలుసు. మేము గతాన్ని గురించి ఆలోచించం. జట్టును సెమీస్కు తీసుకెళ్లడమే నా లక్ష్యం" అని ఆమె ధీమా వ్యక్తం చేసింది.
పాకిస్థాన్లో మహిళల క్రికెట్కు ఆదరణ పెరుగుతోందని, పాఠశాల స్థాయిలోనే అమ్మాయిలు క్రికెట్ ఆడటం మొదలుపెట్టారని ఫాతిమా తెలిపింది. అంతర్జాతీయ మ్యాచ్లు ప్రత్యక్ష ప్రసారం కావడం, ఐసీసీ ప్రైజ్ మనీ పెంచడం వంటివి యువ క్రీడాకారిణులకు స్ఫూర్తినిస్తాయని పేర్కొంది. "అయినా, మేం ఈ టోర్నమెంట్ ద్వారా ఛేదించాల్సిన ఒక పెద్ద అడ్డంకి ఇంకా ఉంది" అని ఆమె వివరించింది. ఈ ప్రపంచకప్లో పాకిస్థాన్ తమ మ్యాచ్లను కొలంబోలో ఆడనుంది.
పీటీఐ వార్తా సంస్థకు ఇచ్చిన ఒక ఇంటర్వ్యూలో ఫాతిమా సనా మాట్లాడుతూ.. "ప్రపంచకప్ లాంటి అతిపెద్ద టోర్నమెంట్లో కెప్టెన్సీ చేసేటప్పుడు మొదట్లో కొద్దిగా ఆందోళనగా అనిపించడం సహజం. కానీ, కెప్టెన్గా నేను మహేంద్ర సింగ్ ధోనీ నుంచి ప్రేరణ పొందుతాను. మైదానంలో అతడు తీసుకునే నిర్ణయాలు, ప్రదర్శించే ప్రశాంతత, తన ఆటగాళ్లకు అండగా నిలిచే విధానం నుంచి నేర్చుకోవాల్సింది చాలా ఉంది. నాకు కెప్టెన్సీ బాధ్యతలు అప్పగించినప్పుడు, నేను ధోనీలా అవ్వాలని నిశ్చయించుకున్నాను. అతడి ఇంటర్వ్యూలు చూడటం ద్వారా కూడా ఎన్నో విషయాలు తెలుసుకున్నాను" అని ఫాతిమా వెల్లడించింది.
ఈసారి ప్రపంచకప్లో తమ జట్టు సెమీ ఫైనల్స్ చేరడమే లక్ష్యమని ఆమె స్పష్టం చేసింది. "గత రికార్డుల జంక్స్ను ఈసారి కచ్చితంగా బ్రేక్ చేస్తాం. పాకిస్థాన్ మహిళల క్రికెట్కు ఈ టోర్నమెంట్ ఎంత ముఖ్యమో యువ క్రీడాకారిణులకు బాగా తెలుసు. మేము గతాన్ని గురించి ఆలోచించం. జట్టును సెమీస్కు తీసుకెళ్లడమే నా లక్ష్యం" అని ఆమె ధీమా వ్యక్తం చేసింది.
పాకిస్థాన్లో మహిళల క్రికెట్కు ఆదరణ పెరుగుతోందని, పాఠశాల స్థాయిలోనే అమ్మాయిలు క్రికెట్ ఆడటం మొదలుపెట్టారని ఫాతిమా తెలిపింది. అంతర్జాతీయ మ్యాచ్లు ప్రత్యక్ష ప్రసారం కావడం, ఐసీసీ ప్రైజ్ మనీ పెంచడం వంటివి యువ క్రీడాకారిణులకు స్ఫూర్తినిస్తాయని పేర్కొంది. "అయినా, మేం ఈ టోర్నమెంట్ ద్వారా ఛేదించాల్సిన ఒక పెద్ద అడ్డంకి ఇంకా ఉంది" అని ఆమె వివరించింది. ఈ ప్రపంచకప్లో పాకిస్థాన్ తమ మ్యాచ్లను కొలంబోలో ఆడనుంది.
