Anjali Raghav: భోజ్పురి అగ్రహీరో పవన్ సింగ్ నన్ను అసభ్యంగా తాకాడు: నటి అంజలి రాఘవ్
భోజ్పురి స్టార్ హీరో పవన్ సింగ్ తనతో అనుచితంగా ప్రవర్తించాడన్న ఆరోపణలతో, ప్రముఖ నటి అంజలి రాఘవ్ ఆ పరిశ్రమను వీడుతున్నట్లు సంచలన ప్రకటన చేశారు. ఓ పాట ప్రమోషన్ కార్యక్రమంలో వేదికపైనే పవన్ సింగ్ తన నడుమును అనుమతి లేకుండా తాకడంతో తీవ్ర మనస్తాపానికి గురైనట్లు ఆమె తెలిపారు. ఈ ఘటనకు సంబంధించిన వీడియో వైరల్ కావడంతో, శనివారం ఇన్స్టాగ్రామ్లో తన నిర్ణయాన్ని వెల్లడించారు.
అసలేం జరిగింది?
లక్నోలో ఇటీవల జరిగిన ‘సైయా సేవా కరే’ అనే పాట ప్రమోషన్ వేడుకలో ఈ ఘటన చోటుచేసుకుంది. వేదికపై అంజలి మాట్లాడుతుండగా, పవన్ సింగ్ ఆమె వెనుక నుంచి వచ్చి అనుమతి లేకుండా నడుమును తాకారు. చీరపై ఏదో ట్యాగ్ ఉందని, దానిని తీస్తున్నానని ఆయన చెప్పినట్లు వీడియోలో వినిపించింది. ఆ సమయంలో ఆమె నవ్వినప్పటికీ, తీవ్ర అసౌకర్యానికి గురైనట్లు స్పష్టంగా కనిపించింది.
ఈ ఘటనపై అంజలి శనివారం ఇన్స్టాగ్రామ్లో తీవ్ర ఆవేదన వ్యక్తం చేశారు. "రెండు రోజులుగా తీవ్ర ఒత్తిడిలో ఉన్నాను. నన్నే తప్పుబడుతూ, నేనేదో ఆనందించినట్లు మీమ్స్ చేస్తున్నారు. బహిరంగంగా ఒకరు తాకితే ఎవరైనా సంతోషిస్తారా?" అని ఆమె ప్రశ్నించారు. వేదికపై పవన్ సింగ్ అలా అనేసరికి, కొత్త చీర కావడంతో ఏదైనా ట్యాగ్ ఉందేమోనని భావించి నవ్వానని, తర్వాత తన బృందంతో చూసుకుంటే ఏమీ లేదని తెలిసి కన్నీళ్లొచ్చాయని ఆమె వివరించారు. నిలదీసేలోపే పవన్ సింగ్ అక్కడి నుంచి వెళ్లిపోయారని తెలిపారు.
ఈ ఘటన తనను తీవ్రంగా కలచివేసిందని, అందుకే ఇకపై భోజ్పురి పరిశ్రమలో పనిచేయకూడదని నిర్ణయించుకున్నానని అంజలి స్పష్టం చేశారు. "ఎవరినైనా సరే, వారి అనుమతి లేకుండా తాకడం పూర్తిగా తప్పు. ఇకపై నేను నా కుటుంబంతో హర్యానాలోనే సంతోషంగా ఉంటాను" అని ఆమె పేర్కొన్నారు. ఈ వివాదంపై సోషల్ మీడియాలో పెద్ద ఎత్తున చర్చ జరుగుతుండగా, చాలామంది నెటిజన్లు అంజలికి మద్దతుగా నిలుస్తున్నారు.
అసలేం జరిగింది?
లక్నోలో ఇటీవల జరిగిన ‘సైయా సేవా కరే’ అనే పాట ప్రమోషన్ వేడుకలో ఈ ఘటన చోటుచేసుకుంది. వేదికపై అంజలి మాట్లాడుతుండగా, పవన్ సింగ్ ఆమె వెనుక నుంచి వచ్చి అనుమతి లేకుండా నడుమును తాకారు. చీరపై ఏదో ట్యాగ్ ఉందని, దానిని తీస్తున్నానని ఆయన చెప్పినట్లు వీడియోలో వినిపించింది. ఆ సమయంలో ఆమె నవ్వినప్పటికీ, తీవ్ర అసౌకర్యానికి గురైనట్లు స్పష్టంగా కనిపించింది.
ఈ ఘటనపై అంజలి శనివారం ఇన్స్టాగ్రామ్లో తీవ్ర ఆవేదన వ్యక్తం చేశారు. "రెండు రోజులుగా తీవ్ర ఒత్తిడిలో ఉన్నాను. నన్నే తప్పుబడుతూ, నేనేదో ఆనందించినట్లు మీమ్స్ చేస్తున్నారు. బహిరంగంగా ఒకరు తాకితే ఎవరైనా సంతోషిస్తారా?" అని ఆమె ప్రశ్నించారు. వేదికపై పవన్ సింగ్ అలా అనేసరికి, కొత్త చీర కావడంతో ఏదైనా ట్యాగ్ ఉందేమోనని భావించి నవ్వానని, తర్వాత తన బృందంతో చూసుకుంటే ఏమీ లేదని తెలిసి కన్నీళ్లొచ్చాయని ఆమె వివరించారు. నిలదీసేలోపే పవన్ సింగ్ అక్కడి నుంచి వెళ్లిపోయారని తెలిపారు.
ఈ ఘటన తనను తీవ్రంగా కలచివేసిందని, అందుకే ఇకపై భోజ్పురి పరిశ్రమలో పనిచేయకూడదని నిర్ణయించుకున్నానని అంజలి స్పష్టం చేశారు. "ఎవరినైనా సరే, వారి అనుమతి లేకుండా తాకడం పూర్తిగా తప్పు. ఇకపై నేను నా కుటుంబంతో హర్యానాలోనే సంతోషంగా ఉంటాను" అని ఆమె పేర్కొన్నారు. ఈ వివాదంపై సోషల్ మీడియాలో పెద్ద ఎత్తున చర్చ జరుగుతుండగా, చాలామంది నెటిజన్లు అంజలికి మద్దతుగా నిలుస్తున్నారు.
