హైదరాబాద్లో దారుణం.. ప్రియుడితో కలిసి భర్తను హతమార్చిన భార్య
- హైదరాబాద్ సరూర్నగర్లో భర్త దారుణ హత్య
- నిద్రపోతుండగా గొంతు నులిమి, డంబెల్తో దాడి
- గొడవపడి చనిపోయాడని పోలీసులకు కట్టుకథ
- విచారణలో అసలు నిజాన్ని ఒప్పుకున్న నిందితులు
- భార్య, ఆమె ప్రియుడిని అదుపులోకి తీసుకున్న పోలీసులు
హైదరాబాద్లోని సరూర్నగర్లో దారుణం జరిగింది. ప్రియుడితో కలిసి ఓ మహిళ కట్టుకున్న భర్తనే అత్యంత కిరాతకంగా హతమార్చింది. నిద్రపోతున్న భర్త గొంతు నులిమి, అనంతరం డంబెల్తో తలపై మోది ప్రాణాలు తీసింది. ఆపై ఏమీ తెలియనట్లు నాటకమాడినా పోలీసుల దర్యాప్తులో అసలు నిజం బయటపడింది.
పోలీసుల కథనం ప్రకారం నాగర్కర్నూల్ జిల్లాకు చెందిన జల్లెల శేఖర్ (40), చిట్టి (33) దంపతులు. వీరికి 14 ఏళ్ల కూతురు, 12 ఏళ్ల కుమారుడు ఉన్నారు. ఉపాధి కోసం హైదరాబాద్లోని సరూర్నగర్, కోదండరామ్నగర్కు వలస వచ్చి నివసిస్తున్నారు. శేఖర్ కారు డ్రైవర్గా పనిచేస్తుండగా, చిట్టి ఓ వస్త్ర దుకాణంలో పనిచేస్తోంది. ఈ క్రమంలో చిట్టికి స్థానికంగా ఉండే హరీశ్ అనే యువకుడితో పరిచయం ఏర్పడి, అది వివాహేతర సంబంధానికి దారి తీసింది.
భార్య ప్రవర్తనపై అనుమానం రావడంతో శేఖర్ ఆమెను నిలదీశాడు. ఈ విషయమై ఇద్దరి మధ్య తరచూ గొడవలు జరుగుతున్నాయి. ఈ క్రమంలో భర్తను అడ్డు తొలగించుకోవాలని చిట్టి తన ప్రియుడు హరీశ్తో కలిసి పథకం రచించింది. గురువారం రాత్రి, తన కుమారుడిని గణేశ్ మండపం వద్ద స్నేహితులతో కలిసి పడుకోమని పంపింది. అర్ధరాత్రి దాటిన తర్వాత ప్రియుడు హరీశ్ను ఇంటికి పిలిపించింది. ఇద్దరూ కలిసి గాఢ నిద్రలో ఉన్న శేఖర్ను మొదట గొంతు నులిమి చంపేశారు. చనిపోయాడో లేదోనన్న అనుమానంతో ఇంట్లో ఉన్న డంబెల్తో తలపై బలంగా మోదారు. అనంతరం హరీశ్ అక్కడి నుంచి వెళ్లిపోయాడు.
నాటకం బయటపడిందిలా..
తెల్లవారుజామున చిట్టి డయల్ 100కు ఫోన్ చేసి తన భర్త రాత్రి ఎవరితోనో గొడవపడి వచ్చి పడుకున్నాడని, ఉదయం లేవలేదని చెప్పింది. ఘటనా స్థలానికి చేరుకున్న పోలీసులు, అక్కడి పరిస్థితిని పరిశీలించారు. చిట్టి ప్రవర్తనపై అనుమానం రావడంతో ఆమెను అదుపులోకి తీసుకుని విచారించగా, అసలు విషయం బయటపెట్టింది. ప్రియుడు హరీశ్తో కలిసి తానే భర్తను హత్య చేసినట్లు అంగీకరించింది. దీంతో పోలీసులు చిట్టి, హరీశ్లను అరెస్ట్ చేసి తదుపరి విచారణ చేపట్టారు.
మరో కేసులో జీవిత ఖైదు
ఇలాంటిదే మరో ఘటనలో నల్గొండ మహిళా కోర్టు శుక్రవారం తీర్పు వెలువరించింది. వివాహేతర సంబంధానికి అడ్డువస్తున్నాడని మామను హత్య చేసిన కోడలికి, ఆమె ప్రియుడికి న్యాయస్థానం జీవిత ఖైదు విధించింది. 2017లో నకిరేకల్ మండలంలో జరిగిన ఈ హత్య కేసులో నిందితులకు శిక్ష ఖరారైంది.
పోలీసుల కథనం ప్రకారం నాగర్కర్నూల్ జిల్లాకు చెందిన జల్లెల శేఖర్ (40), చిట్టి (33) దంపతులు. వీరికి 14 ఏళ్ల కూతురు, 12 ఏళ్ల కుమారుడు ఉన్నారు. ఉపాధి కోసం హైదరాబాద్లోని సరూర్నగర్, కోదండరామ్నగర్కు వలస వచ్చి నివసిస్తున్నారు. శేఖర్ కారు డ్రైవర్గా పనిచేస్తుండగా, చిట్టి ఓ వస్త్ర దుకాణంలో పనిచేస్తోంది. ఈ క్రమంలో చిట్టికి స్థానికంగా ఉండే హరీశ్ అనే యువకుడితో పరిచయం ఏర్పడి, అది వివాహేతర సంబంధానికి దారి తీసింది.
భార్య ప్రవర్తనపై అనుమానం రావడంతో శేఖర్ ఆమెను నిలదీశాడు. ఈ విషయమై ఇద్దరి మధ్య తరచూ గొడవలు జరుగుతున్నాయి. ఈ క్రమంలో భర్తను అడ్డు తొలగించుకోవాలని చిట్టి తన ప్రియుడు హరీశ్తో కలిసి పథకం రచించింది. గురువారం రాత్రి, తన కుమారుడిని గణేశ్ మండపం వద్ద స్నేహితులతో కలిసి పడుకోమని పంపింది. అర్ధరాత్రి దాటిన తర్వాత ప్రియుడు హరీశ్ను ఇంటికి పిలిపించింది. ఇద్దరూ కలిసి గాఢ నిద్రలో ఉన్న శేఖర్ను మొదట గొంతు నులిమి చంపేశారు. చనిపోయాడో లేదోనన్న అనుమానంతో ఇంట్లో ఉన్న డంబెల్తో తలపై బలంగా మోదారు. అనంతరం హరీశ్ అక్కడి నుంచి వెళ్లిపోయాడు.
నాటకం బయటపడిందిలా..
తెల్లవారుజామున చిట్టి డయల్ 100కు ఫోన్ చేసి తన భర్త రాత్రి ఎవరితోనో గొడవపడి వచ్చి పడుకున్నాడని, ఉదయం లేవలేదని చెప్పింది. ఘటనా స్థలానికి చేరుకున్న పోలీసులు, అక్కడి పరిస్థితిని పరిశీలించారు. చిట్టి ప్రవర్తనపై అనుమానం రావడంతో ఆమెను అదుపులోకి తీసుకుని విచారించగా, అసలు విషయం బయటపెట్టింది. ప్రియుడు హరీశ్తో కలిసి తానే భర్తను హత్య చేసినట్లు అంగీకరించింది. దీంతో పోలీసులు చిట్టి, హరీశ్లను అరెస్ట్ చేసి తదుపరి విచారణ చేపట్టారు.
మరో కేసులో జీవిత ఖైదు
ఇలాంటిదే మరో ఘటనలో నల్గొండ మహిళా కోర్టు శుక్రవారం తీర్పు వెలువరించింది. వివాహేతర సంబంధానికి అడ్డువస్తున్నాడని మామను హత్య చేసిన కోడలికి, ఆమె ప్రియుడికి న్యాయస్థానం జీవిత ఖైదు విధించింది. 2017లో నకిరేకల్ మండలంలో జరిగిన ఈ హత్య కేసులో నిందితులకు శిక్ష ఖరారైంది.