Patongtarn Shinawatra: ఫోన్ కాల్ లీక్.. ఊడిన థాయిలాండ్ ప్రధాని పదవి!
ఒక్క ఫోన్ కాల్ లీక్ ఒక దేశ ప్రధాని పదవిని కూల్చేసింది. థాయిలాండ్లో సంచలనం సృష్టించిన ఈ ఘటనలో, ఆ దేశ అతి పిన్న వయస్కురాలైన ప్రధాని పటోంగ్టార్న్ షినవత్రా తన పదవిని కోల్పోయారు. నైతిక ప్రవర్తనా నియమావళిని తీవ్రంగా ఉల్లంఘించారన్న కారణంతో ఆమెను తక్షణమే పదవి నుంచి తొలగిస్తున్నట్లు థాయ్లాండ్ రాజ్యాంగ న్యాయస్థానం సంచలన తీర్పు వెలువరించింది. ఏడాది క్రితమే ప్రధానిగా బాధ్యతలు చేపట్టిన ఆమె, ఇప్పుడు అనూహ్యంగా పదవి నుంచి వైదొలగాల్సి వచ్చింది.
ఈ ఏడాది మే నెలలో థాయిలాండ్, కంబోడియా మధ్య సరిహద్దు వివాదం తలెత్తింది. ఈ ఉద్రిక్తతల నడుమ ప్రధాని షినవత్రా కంబోడియా మాజీ ప్రధాని హున్ సేన్తో ఫోన్లో మాట్లాడారు. ఈ సంభాషణలో ఆమె థాయ్ సైన్యాధికారిపై విమర్శలు చేశారు. ఈ ఆడియో రికార్డింగ్ కాస్తా బయటకు లీక్ కావడంతో దేశవ్యాప్తంగా తీవ్ర దుమారం రేగింది. సరిహద్దు వివాదం నెలకొన్న సమయంలో సొంత సైన్యాన్ని విమర్శించడం, పొరుగు దేశ నేతకు అనుకూలంగా మాట్లాడటం జాతీయ ప్రయోజనాలకు విఘాతం కలిగించడమేనని న్యాయస్థానం అభిప్రాయపడింది. ఈ చర్య ప్రధాని పదవికి సంబంధించిన నైతిక బాధ్యతలను దెబ్బతీసిందని స్పష్టం చేస్తూ, ఆమెపై అనర్హత వేటు వేసింది.
షినవత్రాను తొలగించడంతో, ఇప్పుడు థాయ్ పార్లమెంట్ కొత్త నాయకుడిని ఎన్నుకోవాల్సి ఉంది. అయితే షినవత్రాకు చెందిన ఫ్యూథాయ్ పార్టీకి పార్లమెంటులో స్వల్ప మెజారిటీ మాత్రమే ఉండటంతో ఈ ప్రక్రియ అంత సులువుగా ముగిసేలా కనిపించడం లేదు. కొత్త ప్రధాని ఎన్నిక పూర్తయ్యే వరకు ఉప ప్రధాని ఫుమ్తామ్ వెచైచాయ్ తాత్కాలిక ప్రధానిగా బాధ్యతలు నిర్వర్తిస్తారు.
ప్రస్తుతానికి ప్రధాని పదవి రేసులో ఫ్యూథాయ్ పార్టీకే చెందిన 77 ఏళ్ల చైకాసెం నితిసిరి పేరు ప్రముఖంగా వినిపిస్తోంది. ఆయనతో పాటు మాజీ ప్రధాని, సైనిక నేత ప్రయుత్ చాన్-ఓచా కూడా పోటీలో ఉన్నట్లు తెలుస్తోంది. ఏడాది క్రితం ఇలాగే రాజ్యాంగ న్యాయస్థానం నాటి ప్రధానిని తొలగించడంతో అనూహ్యంగా ప్రధాని అయిన షినవత్రా, ఇప్పుడు అదే తరహాలో పదవిని కోల్పోవడం రాజకీయ వర్గాల్లో చర్చనీయాంశంగా మారింది.
ఈ ఏడాది మే నెలలో థాయిలాండ్, కంబోడియా మధ్య సరిహద్దు వివాదం తలెత్తింది. ఈ ఉద్రిక్తతల నడుమ ప్రధాని షినవత్రా కంబోడియా మాజీ ప్రధాని హున్ సేన్తో ఫోన్లో మాట్లాడారు. ఈ సంభాషణలో ఆమె థాయ్ సైన్యాధికారిపై విమర్శలు చేశారు. ఈ ఆడియో రికార్డింగ్ కాస్తా బయటకు లీక్ కావడంతో దేశవ్యాప్తంగా తీవ్ర దుమారం రేగింది. సరిహద్దు వివాదం నెలకొన్న సమయంలో సొంత సైన్యాన్ని విమర్శించడం, పొరుగు దేశ నేతకు అనుకూలంగా మాట్లాడటం జాతీయ ప్రయోజనాలకు విఘాతం కలిగించడమేనని న్యాయస్థానం అభిప్రాయపడింది. ఈ చర్య ప్రధాని పదవికి సంబంధించిన నైతిక బాధ్యతలను దెబ్బతీసిందని స్పష్టం చేస్తూ, ఆమెపై అనర్హత వేటు వేసింది.
షినవత్రాను తొలగించడంతో, ఇప్పుడు థాయ్ పార్లమెంట్ కొత్త నాయకుడిని ఎన్నుకోవాల్సి ఉంది. అయితే షినవత్రాకు చెందిన ఫ్యూథాయ్ పార్టీకి పార్లమెంటులో స్వల్ప మెజారిటీ మాత్రమే ఉండటంతో ఈ ప్రక్రియ అంత సులువుగా ముగిసేలా కనిపించడం లేదు. కొత్త ప్రధాని ఎన్నిక పూర్తయ్యే వరకు ఉప ప్రధాని ఫుమ్తామ్ వెచైచాయ్ తాత్కాలిక ప్రధానిగా బాధ్యతలు నిర్వర్తిస్తారు.
ప్రస్తుతానికి ప్రధాని పదవి రేసులో ఫ్యూథాయ్ పార్టీకే చెందిన 77 ఏళ్ల చైకాసెం నితిసిరి పేరు ప్రముఖంగా వినిపిస్తోంది. ఆయనతో పాటు మాజీ ప్రధాని, సైనిక నేత ప్రయుత్ చాన్-ఓచా కూడా పోటీలో ఉన్నట్లు తెలుస్తోంది. ఏడాది క్రితం ఇలాగే రాజ్యాంగ న్యాయస్థానం నాటి ప్రధానిని తొలగించడంతో అనూహ్యంగా ప్రధాని అయిన షినవత్రా, ఇప్పుడు అదే తరహాలో పదవిని కోల్పోవడం రాజకీయ వర్గాల్లో చర్చనీయాంశంగా మారింది.