భలే వెరైటీ.. సబ్బులు, షాంపూలతో గణనాథుడు!
వినాయక చవితి ఉత్సవాలు తెలుగు రాష్ట్రాల్లో వైభవంగా జరుగుతున్నాయి. వీధివీధినా ఏర్పాటుచేసిన మండపాల్లో రకరకాల గణనాథులు కొలువుదీరి భక్తులకు దర్శనమిస్తున్నారు. అయితే, అనంతపురం జిల్లా పామిడిలో ఏర్పాటు చేసిన ఓ విగ్రహం మాత్రం ఇప్పుడు అందరి దృష్టినీ ఆకర్షిస్తోంది. నిర్వాహకులు తమ సృజనాత్మకతకు పదునుపెట్టి, పూర్తిగా సబ్బులు, షాంపూలతో ఈ వినాయకుడిని రూపొందించారు.
ఈ విగ్రహం తయారీలో నిర్వాహకులు చూపిన శ్రద్ధ ఆకట్టుకుంటోంది. స్వామివారి ప్రధాన దేహాన్ని సంతూర్ సబ్బులతో తయారు చేయగా, చెవులను లక్స్ సబ్బులతో, కాళ్లను సింతాల్ సబ్బులతో తీర్చిదిద్దారు. ఇక దంతాల కోసం మీరా షాంపూ ప్యాకెట్లను ఉపయోగించారు. అంతేకాకుండా, సన్సిల్క్, కార్తీక షాంపూలతో పాటు కంఫర్ట్ ప్యాకెట్లను అందమైన హారాలుగా మలిచి స్వామివారికి అలంకరించారు.
ఈ వినూత్న విగ్రహం తయారీకి సుమారు రూ. 25 వేల వరకు ఖర్చయిందని నిర్వాహకులు తెలిపారు. సాధారణ మట్టి విగ్రహాలకు భిన్నంగా, తమ భక్తిని కొత్తగా చాటుకునేందుకు ఈ ప్రయత్నం చేశామన్నారు. ప్రస్తుతం ఈ సబ్బుల గణపతిని చూసేందుకు స్థానిక భక్తులు, ప్రజలు పెద్ద సంఖ్యలో తరలివస్తున్నారు. వినూత్న ఆలోచనతో రూపుదిద్దుకున్న ఈ గణపతి, పామిడిలో పండుగ వాతావరణానికి ప్రత్యేక శోభను తీసుకొచ్చింది.
ఈ విగ్రహం తయారీలో నిర్వాహకులు చూపిన శ్రద్ధ ఆకట్టుకుంటోంది. స్వామివారి ప్రధాన దేహాన్ని సంతూర్ సబ్బులతో తయారు చేయగా, చెవులను లక్స్ సబ్బులతో, కాళ్లను సింతాల్ సబ్బులతో తీర్చిదిద్దారు. ఇక దంతాల కోసం మీరా షాంపూ ప్యాకెట్లను ఉపయోగించారు. అంతేకాకుండా, సన్సిల్క్, కార్తీక షాంపూలతో పాటు కంఫర్ట్ ప్యాకెట్లను అందమైన హారాలుగా మలిచి స్వామివారికి అలంకరించారు.
ఈ వినూత్న విగ్రహం తయారీకి సుమారు రూ. 25 వేల వరకు ఖర్చయిందని నిర్వాహకులు తెలిపారు. సాధారణ మట్టి విగ్రహాలకు భిన్నంగా, తమ భక్తిని కొత్తగా చాటుకునేందుకు ఈ ప్రయత్నం చేశామన్నారు. ప్రస్తుతం ఈ సబ్బుల గణపతిని చూసేందుకు స్థానిక భక్తులు, ప్రజలు పెద్ద సంఖ్యలో తరలివస్తున్నారు. వినూత్న ఆలోచనతో రూపుదిద్దుకున్న ఈ గణపతి, పామిడిలో పండుగ వాతావరణానికి ప్రత్యేక శోభను తీసుకొచ్చింది.