ఎన్టీఆర్ ఫ్యాన్స్ లో ఉత్సాహం .. తెరపైకి 'దేవర 2'

ఎన్టీఆర్ అభిమానులు ఇప్పుడు చాలా అసంతృప్తితో ఉన్నారు. అనేక అంచనాల మధ్య వచ్చిన 'వార్ 2' పరాజయంపాలు కావడమే అందుకు కారణం. ఎన్టీఆర్ బాలీవుడ్ లో నేరుగా చేసిన సినిమా ఇది. రికార్డుల పరంగా ఈ సినిమా ఎన్టీఆర్ కెరియర్లో చెప్పుకోదగినదిగా నిలిచిపోతుందని అంతా భావించారు. కానీ ఈ సినిమా అంచనాలకు చాలా దూరంలో నిలిచిపోయింది. 

ఎన్టీఆర్ మల్టీస్టారర్ సినిమాలు చేయడం .. ఆ కథల్లో తన ఇమేజ్ ను తగ్గించుకుని చేయడం ఆయన అభిమానులలో అసంతృప్తిని కలిగించింది. ఈ సినిమా ఫలితం ఎన్టీఆర్ కి కూడా చేదు అనుభవాన్ని మిగిల్చింది. ఇకపై మల్టీ స్టారర్ చేయకపోవడమే మంచిదనే ఆలోచనలో ఆయన ఉన్నట్టుగా తెలుస్తోంది. ప్రశాంత్ నీల్ సినిమానే ఆయనకి బ్లాక్ బస్టర్ ఇవ్వగలదనే నమ్మకంతో అంతా ఉన్నారు. ఈ నేపథ్యంలోనే 'దేవర 2' అంశం మళ్లీ తెరపైకి వచ్చింది.


ఎన్టీఆర్ కి 'జనతా గ్యారేజ్' సినిమాతో హిట్ ఇచ్చిన కొరటాల, 'దేవర' సినిమాతో ఆ స్థాయి హిట్ ను నమోదు చేయకలేకపోయాడు. ఈ సినిమాకి సీక్వెల్ ఉంటుందని అప్పట్లో అనుకున్నారు. కానీ ఆశించిన స్థాయి ఫలితం రాకపోవడంతో ఎవరూ ఆ ప్రస్తావన తీసుకురాలేదు. కానీ ఆ సినిమాకి సీక్వెల్ ఉందనే ఒక టాక్ మళ్లీ తెరపైకి వచ్చింది. కొరటాల అందుకు సంబంధించిన పనిలోనే ఉన్నారని అంటున్నారు. త్వరలోనే ఈ విషయంపై క్లారిటీ వచ్చే అవకాశం ఉంది.