Rajinikanth: 'కూలీ' సెట్స్ పై 350 మందికి గిఫ్ట్ ప్యాక్ లు ఇచ్చిన రజనీకాంత్
సూపర్ స్టార్ రజినీకాంత్ నటన, స్టైల్ గురించి ఎంత చెప్పినా తక్కువే. ఆయన మనసు కూడా గొప్పదే. తాజాగా తలైవా గురించి కింగ్ నాగార్జున ఆసక్తికర విషయం బయటపెట్టారు. లోకేశ్ కనగరాజ్ దర్శకత్వంలో రజినీ హీరోగా నటిస్తున్న ‘కూలీ’ చిత్రంలో నాగార్జున కీలక పాత్ర పోషిస్తున్న సంగతి తెలిసిందే. ఈ సినిమా షూటింగ్ అనుభవాలను పంచుకుంటూ, రజినీకాంత్ మంచితనం గురించి వెల్లడించారు.
రజినీకాంత్తో కలిసి పనిచేయడం ఒక అద్భుతమైన అనుభూతి అని నాగార్జున తెలిపారు. "థాయ్లాండ్లో దాదాపు 17 రోజుల పాటు రాత్రి వేళల్లో ఒక భారీ యాక్షన్ సీక్వెన్స్ చిత్రీకరించాం. సుమారు 350 మంది సిబ్బంది చాలా కష్టపడి పనిచేశారు. షూటింగ్ చివరి రోజున, రజినీ గారు అందరినీ పిలిచి ప్రతి ఒక్కరికీ ఒక గిఫ్ట్ ప్యాకెట్ ఇచ్చారు. ఇంటికి వెళ్లాక మీ పిల్లల కోసం ఏదైనా కొనండి అని చెప్పారు. ఆయన అంత దయా హృదయుడు" అని నాగార్జున వివరించారు. ఇన్నేళ్ల అనుభవం ఉన్నా, ఇప్పటికీ రజినీకాంత్ తన డైలాగులను పక్కకు వెళ్లి ప్రాక్టీస్ చేస్తారని, ఆయన అంకితభావం అలాంటిదని ప్రశంసించారు.
గోల్డ్ స్మగ్లింగ్ నేపథ్యంలో తెరకెక్కుతున్న 'కూలీ' చిత్రంపై ఇప్పటికే భారీ అంచనాలు నెలకొన్నాయి. లోకేశ్ కనగరాజ్ దర్శకత్వంలో వస్తుండటంతో పాటు, ఇది తన సినిమాటిక్ యూనివర్స్ (ఎల్సీయూ)లో భాగం కాదని, ఒక స్టాండలోన్ చిత్రమని ఆయన స్పష్టం చేయడంతో మరింత ఆసక్తి పెరిగింది. రజినీకాంత్ 171వ చిత్రంగా రాబోతున్న ఈ సినిమా, ఒక తమిళ చిత్రానికి సంబంధించి అత్యధిక ఓవర్సీస్ ధరకు అమ్ముడై రికార్డు సృష్టించింది.
ఈ సినిమాలో రజినీకాంత్, నాగార్జునతో పాటు ఆమిర్ ఖాన్, ఉపేంద్ర, శ్రుతి హాసన్, సత్యరాజ్, సౌబిన్ షాహిర్ వంటి భారీ తారాగణం నటిస్తోంది. ముఖ్యంగా, దాదాపు 38 ఏళ్ల తర్వాత రజినీకాంత్, సత్యరాజ్ కలిసి నటిస్తుండటం విశేషం. వీరిద్దరూ చివరిసారిగా 1986లో వచ్చిన ‘మిస్టర్ భరత్’ చిత్రంలో కనిపించారు. అనిరుధ్ రవిచందర్ సంగీతం అందిస్తున్న ఈ చిత్రం ఆగస్టు 14న ప్రేక్షకుల ముందుకు వస్తోంది.
రజినీకాంత్తో కలిసి పనిచేయడం ఒక అద్భుతమైన అనుభూతి అని నాగార్జున తెలిపారు. "థాయ్లాండ్లో దాదాపు 17 రోజుల పాటు రాత్రి వేళల్లో ఒక భారీ యాక్షన్ సీక్వెన్స్ చిత్రీకరించాం. సుమారు 350 మంది సిబ్బంది చాలా కష్టపడి పనిచేశారు. షూటింగ్ చివరి రోజున, రజినీ గారు అందరినీ పిలిచి ప్రతి ఒక్కరికీ ఒక గిఫ్ట్ ప్యాకెట్ ఇచ్చారు. ఇంటికి వెళ్లాక మీ పిల్లల కోసం ఏదైనా కొనండి అని చెప్పారు. ఆయన అంత దయా హృదయుడు" అని నాగార్జున వివరించారు. ఇన్నేళ్ల అనుభవం ఉన్నా, ఇప్పటికీ రజినీకాంత్ తన డైలాగులను పక్కకు వెళ్లి ప్రాక్టీస్ చేస్తారని, ఆయన అంకితభావం అలాంటిదని ప్రశంసించారు.
గోల్డ్ స్మగ్లింగ్ నేపథ్యంలో తెరకెక్కుతున్న 'కూలీ' చిత్రంపై ఇప్పటికే భారీ అంచనాలు నెలకొన్నాయి. లోకేశ్ కనగరాజ్ దర్శకత్వంలో వస్తుండటంతో పాటు, ఇది తన సినిమాటిక్ యూనివర్స్ (ఎల్సీయూ)లో భాగం కాదని, ఒక స్టాండలోన్ చిత్రమని ఆయన స్పష్టం చేయడంతో మరింత ఆసక్తి పెరిగింది. రజినీకాంత్ 171వ చిత్రంగా రాబోతున్న ఈ సినిమా, ఒక తమిళ చిత్రానికి సంబంధించి అత్యధిక ఓవర్సీస్ ధరకు అమ్ముడై రికార్డు సృష్టించింది.
ఈ సినిమాలో రజినీకాంత్, నాగార్జునతో పాటు ఆమిర్ ఖాన్, ఉపేంద్ర, శ్రుతి హాసన్, సత్యరాజ్, సౌబిన్ షాహిర్ వంటి భారీ తారాగణం నటిస్తోంది. ముఖ్యంగా, దాదాపు 38 ఏళ్ల తర్వాత రజినీకాంత్, సత్యరాజ్ కలిసి నటిస్తుండటం విశేషం. వీరిద్దరూ చివరిసారిగా 1986లో వచ్చిన ‘మిస్టర్ భరత్’ చిత్రంలో కనిపించారు. అనిరుధ్ రవిచందర్ సంగీతం అందిస్తున్న ఈ చిత్రం ఆగస్టు 14న ప్రేక్షకుల ముందుకు వస్తోంది.