Pakistan Cricket Board: ఇండియాతో మ్యాచ్ వివాదం.. లెజెండ్స్ లీగ్పై పాకిస్థాన్ నిషేధాస్త్రం!
భారత్-పాకిస్థాన్ క్రికెట్ జట్ల మధ్య నెలకొన్న ఉద్రిక్తతలు మరోసారి క్రీడా ప్రపంచంలో ప్రకంపనలు సృష్టించాయి. ఈ క్రమంలో పాకిస్థాన్ క్రికెట్ బోర్డ్ (పీసీబీ) కీలక నిర్ణయం తీసుకుంది. వరల్డ్ ఛాంపియన్షిప్ ఆఫ్ లెజెండ్స్ (డబ్ల్యూసీఎల్) టోర్నమెంట్లో భవిష్యత్తులో తమ జట్టు పాల్గొనదని, ఆ మేరకు టోర్నీని శాశ్వతంగా బహిష్కరిస్తున్నామని పీసీబీ ప్రకటించింది. ఈ టోర్నీలో ఇండియా లెజెండ్స్ జట్టు పాకిస్థాన్తో సెమీ-ఫైనల్ ఆడేందుకు నిరాకరించడమే ఈ కఠిన నిర్ణయానికి దారితీసింది.
పీసీబీ చైర్మన్ మోహ్సిన్ నఖ్వీ అధ్యక్షతన వర్చువల్గా జరిగిన 79వ బోర్డు సమావేశంలో ఈ అంశంపై తీవ్రంగా చర్చించారు. ఇండియా లెజెండ్స్ జట్టు మ్యాచ్ ఆడకుండానే వైదొలిగినా, టోర్నీ నిర్వాహకులు వారికి పాయింట్లు కేటాయించడంపై పీసీబీ తీవ్ర అసంతృప్తి వ్యక్తం చేసింది. డబ్ల్యూసీఎల్ విడుదల చేసిన పత్రికా ప్రకటనలు పక్షపాతంగా, ద్వంద్వ ప్రమాణాలతో ఉన్నాయని మండిపడింది.
"క్రీడల ద్వారా శాంతి అనే నినాదాన్ని కేవలం కొన్ని సందర్భాల్లోనే వాడుకుంటూ, రాజకీయ, వాణిజ్య ప్రయోజనాల కోసం క్రీడలను బలి చేస్తున్నారు. క్రీడాస్ఫూర్తికి, నిష్పక్షపాతానికి విఘాతం కలిగించే ఇలాంటి టోర్నీలలో పాల్గొనడాన్ని ఏమాత్రం సహించలేం. బయటి శక్తుల ప్రభావంతో క్రీడా నియమాలను ఉల్లంఘిస్తున్నందునే ఈ నిర్ణయం తీసుకున్నాం" అని పీసీబీ ఒక ప్రకటనలో స్పష్టం చేసింది.
ఈ టోర్నమెంట్ లీగ్ దశలో బర్మింగ్హామ్లో పాకిస్థాన్తో తలపడేందుకు భారత ఆటగాడు శిఖర్ ధావన్తో సహా పలువురు ఆటగాళ్లు విముఖత చూపిన విషయం తెలిసిందే. ఆ తర్వాత సెమీ-ఫైనల్లో కూడా మరోసారి పాక్తో ఆడాల్సి రావడంతో, మ్యాచ్ నుంచి పూర్తిగా తప్పుకోవాలని ఇండియా లెజెండ్స్ జట్టు నిర్ణయించుకుంది. ఈ పరిణామాల నేపథ్యంలోనే డబ్ల్యూసీఎల్ తీరును నిరసిస్తూ పీసీబీ ఈ నిషేధ నిర్ణయాన్ని ప్రకటించింది.
పీసీబీ చైర్మన్ మోహ్సిన్ నఖ్వీ అధ్యక్షతన వర్చువల్గా జరిగిన 79వ బోర్డు సమావేశంలో ఈ అంశంపై తీవ్రంగా చర్చించారు. ఇండియా లెజెండ్స్ జట్టు మ్యాచ్ ఆడకుండానే వైదొలిగినా, టోర్నీ నిర్వాహకులు వారికి పాయింట్లు కేటాయించడంపై పీసీబీ తీవ్ర అసంతృప్తి వ్యక్తం చేసింది. డబ్ల్యూసీఎల్ విడుదల చేసిన పత్రికా ప్రకటనలు పక్షపాతంగా, ద్వంద్వ ప్రమాణాలతో ఉన్నాయని మండిపడింది.
"క్రీడల ద్వారా శాంతి అనే నినాదాన్ని కేవలం కొన్ని సందర్భాల్లోనే వాడుకుంటూ, రాజకీయ, వాణిజ్య ప్రయోజనాల కోసం క్రీడలను బలి చేస్తున్నారు. క్రీడాస్ఫూర్తికి, నిష్పక్షపాతానికి విఘాతం కలిగించే ఇలాంటి టోర్నీలలో పాల్గొనడాన్ని ఏమాత్రం సహించలేం. బయటి శక్తుల ప్రభావంతో క్రీడా నియమాలను ఉల్లంఘిస్తున్నందునే ఈ నిర్ణయం తీసుకున్నాం" అని పీసీబీ ఒక ప్రకటనలో స్పష్టం చేసింది.
ఈ టోర్నమెంట్ లీగ్ దశలో బర్మింగ్హామ్లో పాకిస్థాన్తో తలపడేందుకు భారత ఆటగాడు శిఖర్ ధావన్తో సహా పలువురు ఆటగాళ్లు విముఖత చూపిన విషయం తెలిసిందే. ఆ తర్వాత సెమీ-ఫైనల్లో కూడా మరోసారి పాక్తో ఆడాల్సి రావడంతో, మ్యాచ్ నుంచి పూర్తిగా తప్పుకోవాలని ఇండియా లెజెండ్స్ జట్టు నిర్ణయించుకుంది. ఈ పరిణామాల నేపథ్యంలోనే డబ్ల్యూసీఎల్ తీరును నిరసిస్తూ పీసీబీ ఈ నిషేధ నిర్ణయాన్ని ప్రకటించింది.
