మన తెలుగు బిడ్డను ఉత్సాహపరుద్దాం: కోనేరు హంపి ఘనతపై సీఎం చంద్రబాబు, మంత్రి లోకేశ్ స్పందన

భారత గ్రాండ్‌మాస్టర్ కోనేరు హంపీ చెస్ ప్రపంచంలో చరిత్ర సృష్టించారు. ఫిడే మహిళల వరల్డ్ కప్ సెమీఫైనల్స్‌కు చేరుకున్న తొలి భారత మహిళగా ఆమె నిలిచారు. ఈ ఘనత సాధించిన హంపీపై ఆంధ్రప్రదేశ్ ముఖ్యమంత్రి చంద్రబాబు, మంత్రి నారా లోకేశ్ ప్రశంసల వర్షం కురిపించారు.

"మన తెలుగు కుమార్తె ప్రపంచ వేదికపై కాంతులు విరజిమ్ముతోంది. గ్రాండ్‌మాస్టర్ కోనేరు హంపీ ఫిడే వరల్డ్ కప్ సెమీఫైనల్స్‌కు చేరుకున్న తొలి భారత మహిళగా నిలిచినందుకు అభినందనలు. నీ ఘనత దేశవ్యాప్తంగా మమ్మల్ని గర్వించేలా చేస్తోంది. ఈ విజయం అసంఖ్యాకంగా ఇతరులకు స్ఫూర్తినిస్తోంది. చెస్ బోర్డుపై నీవు మరిన్ని ప్రభావవంతంగా రాణించాలని కోరుకుంటున్నాం అమ్మా!"... అంటూ ఏపీ సీఎం చంద్రబాబు ఆకాంక్షించారు

"భారత చెస్‌కు చారిత్రక మైలురాయి! గ్రాండ్‌మాస్టర్ కోనేరు హంపీ ఫిడే మహిళల వరల్డ్ కప్ సెమీఫైనల్స్‌కు చేరుకున్న తొలి భారత మహిళగా నిలిచినందుకు హృదయపూర్వక అభినందనలు! ఐఎం యుక్సిన్ సాంగ్‌పై ఆమె ప్రదర్శించిన అద్భుతమైన కౌంటర్‌ అటాకింగ్ ఆటతీరు ఆమె ఓర్పు, నైపుణ్యం, వ్యూహాత్మక పటిమను చాటింది. ఇది కేవలం వ్యక్తిగత విజయం మాత్రమే కాదు, భారత చెస్‌కు గర్వకారణం మరియు దేశవ్యాప్తంగా యువ ఆటగాళ్లకు స్ఫూర్తి ప్రదాత. సెమీఫైనల్స్‌లో ఆమె మరింత రాణించి, టైటిల్‌ను సొంతం చేసుకోవాలని శుభాకాంక్షలు!"... అంటూ మంత్రి నారా లోకేశ్ పేర్కొన్నారు.