మహబూబ్నగర్ వద్ద పట్టాలు తప్పిన గూడ్స్ రైలు.. రైళ్ల రాకపోకలకు అంతరాయం
మహబూబ్నగర్-కర్నూలు రైల్వే మార్గంలో రైళ్ల రాకపోకలకు తీవ్ర అంతరాయం కలిగింది. మహబూబ్నగర్ శివారులోని బోయపల్లి గేట్ వద్ద గూడ్స్ రైలు పట్టాలు తప్పడంతో సుమారు మూడు గంటల పాటు రాకపోకలు నిలిచిపోయాయి. ఈ కారణంగా చెంగల్పట్టు, హంద్రీ, మైసూర్, సెవెన్హిల్స్ ఎక్స్ప్రెస్లతో సహా పలు రైళ్లు మార్గమధ్యంలోనే నిలిచిపోవడంతో ప్రయాణికులు తీవ్ర ఇబ్బందులు ఎదుర్కొన్నారు.
రామగుండం నుంచి తమిళనాడుకు సరుకుతో వెళుతున్న గూడ్స్ రైలు బోయపల్లి గేట్ వద్దకు రాగానే దాని 6వ నెంబరు బోగీ పట్టాలు తప్పింది. ఈ విషయాన్ని వెంటనే గమనించిన లోకో పైలట్ అప్రమత్తమై రైలును నిలిపివేశారు. అప్పటికే పట్టాలు తప్పిన బోగీ సుమారు 20 మీటర్ల దూరం వరకు సిమెంట్ స్లీపర్ల మీదుగా ప్రయాణించి, ట్రాక్ను దెబ్బతీసింది.
ఈ ఘటనతో మహబూబ్నగర్-కర్నూలు మార్గంలో రైళ్ల రాకపోకలు స్తంభించాయి. సమాచారం అందుకున్న రైల్వే అధికారులు వెంటనే స్పందించి సంఘటనా స్థలానికి చేరుకున్నారు. మరమ్మతు పనులను చేపట్టేందుకు కాచిగూడ నుంచి ప్రత్యేకంగా యాక్షన్ రిలీఫ్ ట్రైన్ను రప్పించి, ట్రాక్ పునరుద్ధరణ పనులు ప్రారంభించారు.
రామగుండం నుంచి తమిళనాడుకు సరుకుతో వెళుతున్న గూడ్స్ రైలు బోయపల్లి గేట్ వద్దకు రాగానే దాని 6వ నెంబరు బోగీ పట్టాలు తప్పింది. ఈ విషయాన్ని వెంటనే గమనించిన లోకో పైలట్ అప్రమత్తమై రైలును నిలిపివేశారు. అప్పటికే పట్టాలు తప్పిన బోగీ సుమారు 20 మీటర్ల దూరం వరకు సిమెంట్ స్లీపర్ల మీదుగా ప్రయాణించి, ట్రాక్ను దెబ్బతీసింది.
ఈ ఘటనతో మహబూబ్నగర్-కర్నూలు మార్గంలో రైళ్ల రాకపోకలు స్తంభించాయి. సమాచారం అందుకున్న రైల్వే అధికారులు వెంటనే స్పందించి సంఘటనా స్థలానికి చేరుకున్నారు. మరమ్మతు పనులను చేపట్టేందుకు కాచిగూడ నుంచి ప్రత్యేకంగా యాక్షన్ రిలీఫ్ ట్రైన్ను రప్పించి, ట్రాక్ పునరుద్ధరణ పనులు ప్రారంభించారు.
