Manchu Vishnu: సెన్సార్ పూర్తి చేసుకున్న మంచు విష్ణు 'కన్నప్ప'
మంచు విష్ణు టైటిల్ రోల్లో నటిస్తున్న ప్రతిష్ఠాత్మక చిత్రం ‘కన్నప్ప’ విడుదలకు రంగం సిద్ధమైంది. ఈ సినిమా సెన్సార్ కార్యక్రమాలు తాజాగా పూర్తయ్యాయి. కన్నప్పకు UA సర్టిఫికెట్ ఇచ్చారు. ఈ చిత్రం జూన్ 27న ప్రేక్షకుల ముందుకు రానుంది. సెన్సార్ అనంతరం సినిమా రన్ టైమ్ 3 గంటల 2 నిమిషాలు (182 నిమిషాలు)గా ఖరారైంది.
సినిమాను మొదట 195 నిమిషాల నిడివితో రూపొందించారు. అయితే, సెన్సార్ బోర్డు సభ్యులు కొన్ని మార్పులు సూచించడంతో, చిత్ర బృందం మొత్తం 12 కట్స్కు అంగీకరించింది. తొలగించిన సన్నివేశాల్లో ఒక చిన్నారిని రాబందు పైనుంచి కిందకు పడేసే దృశ్యం, తిన్నడుకు సంబంధించిన కొన్ని సన్నివేశాలు, అలాగే మూడు పాటల్లోని కొన్ని విజువల్స్ ఉన్నాయని సమాచారం. ఈ మార్పుల అనంతరం సినిమా రన్టైమ్ను ఖరారు చేశారు.
‘కన్నప్ప’ తెలుగు వెర్షన్కు సంబంధించిన అడ్వాన్స్ బుకింగ్స్ బుధవారం నుంచి ప్రారంభమవుతాయని మంచు విష్ణు స్వయంగా సోషల్ మీడియా ద్వారా వెల్లడించారు. పరమ శివభక్తుడైన కన్నప్ప జీవిత కథ ఆధారంగా మంచు విష్ణు ఈ సినిమా కథను అందించడం విశేషం. ప్రముఖ దర్శకుడు ముఖేశ్ కుమార్ సింగ్ ఈ చిత్రాన్ని అత్యంత భారీగా తెరకెక్కించారు.
ఈ చిత్రంలో తిన్నడు అలియాస్ కన్నప్పగా మంచు విష్ణు నటిస్తుండగా, రుద్ర పాత్రలో ప్రభాస్, కిరాత వేషంలో మోహన్లాల్, పరమశివుడిగా అక్షయ్కుమార్, పార్వతి దేవిగా కాజల్ అగర్వాల్, మహదేవ శాస్త్రిగా మోహన్బాబు కీలక పాత్రలు పోషించారు. ఇంతటి భారీ తారాగణం ఈ సినిమాలో నటించడం, దాదాపు ఐదు దశాబ్దాల తర్వాత కృష్ణంరాజు నటించిన ‘భక్త కన్నప్ప’ అనంతరం మళ్లీ కన్నప్ప కథ వెండితెరపైకి వస్తుండటంతో ప్రేక్షకుల్లో తీవ్ర ఆసక్తి నెలకొంది. ఇప్పటికే విడుదలైన పాటలు, ప్రచార చిత్రాలు సినిమాపై అంచనాలను మరింతగా పెంచాయి.
సినిమాను మొదట 195 నిమిషాల నిడివితో రూపొందించారు. అయితే, సెన్సార్ బోర్డు సభ్యులు కొన్ని మార్పులు సూచించడంతో, చిత్ర బృందం మొత్తం 12 కట్స్కు అంగీకరించింది. తొలగించిన సన్నివేశాల్లో ఒక చిన్నారిని రాబందు పైనుంచి కిందకు పడేసే దృశ్యం, తిన్నడుకు సంబంధించిన కొన్ని సన్నివేశాలు, అలాగే మూడు పాటల్లోని కొన్ని విజువల్స్ ఉన్నాయని సమాచారం. ఈ మార్పుల అనంతరం సినిమా రన్టైమ్ను ఖరారు చేశారు.
‘కన్నప్ప’ తెలుగు వెర్షన్కు సంబంధించిన అడ్వాన్స్ బుకింగ్స్ బుధవారం నుంచి ప్రారంభమవుతాయని మంచు విష్ణు స్వయంగా సోషల్ మీడియా ద్వారా వెల్లడించారు. పరమ శివభక్తుడైన కన్నప్ప జీవిత కథ ఆధారంగా మంచు విష్ణు ఈ సినిమా కథను అందించడం విశేషం. ప్రముఖ దర్శకుడు ముఖేశ్ కుమార్ సింగ్ ఈ చిత్రాన్ని అత్యంత భారీగా తెరకెక్కించారు.
ఈ చిత్రంలో తిన్నడు అలియాస్ కన్నప్పగా మంచు విష్ణు నటిస్తుండగా, రుద్ర పాత్రలో ప్రభాస్, కిరాత వేషంలో మోహన్లాల్, పరమశివుడిగా అక్షయ్కుమార్, పార్వతి దేవిగా కాజల్ అగర్వాల్, మహదేవ శాస్త్రిగా మోహన్బాబు కీలక పాత్రలు పోషించారు. ఇంతటి భారీ తారాగణం ఈ సినిమాలో నటించడం, దాదాపు ఐదు దశాబ్దాల తర్వాత కృష్ణంరాజు నటించిన ‘భక్త కన్నప్ప’ అనంతరం మళ్లీ కన్నప్ప కథ వెండితెరపైకి వస్తుండటంతో ప్రేక్షకుల్లో తీవ్ర ఆసక్తి నెలకొంది. ఇప్పటికే విడుదలైన పాటలు, ప్రచార చిత్రాలు సినిమాపై అంచనాలను మరింతగా పెంచాయి.
