Seyed Mohammad Reza Siddighi Saber: ఇరాన్కు భారీ షాక్: కీలక అణు శాస్త్రవేత్త మృతి.. ఇజ్రాయెల్ వైపు వేలు!
ఇరాన్ అణు కార్యక్రమానికి మరో గట్టి ఎదురుదెబ్బ తగిలింది. ఆ దేశానికి చెందిన అత్యంత కీలకమైన అణు శాస్త్రవేత్త సయ్యద్ మహమ్మద్ రెజా సిద్దఘీ సాబెర్ ఇజ్రాయెల్ జరిపిన దాడిలో మరణించినట్లు ఇరాన్ ప్రభుత్వ రంగ మీడియా మంగళవారం వెల్లడించింది. ఈ సంఘటన ఉత్తర ఇరాన్లోని ఆస్తనేహ్ యె అష్రాఫియా పట్టణంలో, శాస్త్రవేత్త తన తల్లిదండ్రుల నివాసంలో ఉన్న సమయంలో చోటుచేసుకుంది. కీలక సైంటిస్టు మృతితో ఇరాన్ అణు కార్యక్రమాల భవిష్యత్తుపై నీలినీడలు కమ్ముకున్నాయి.
సయ్యద్ మహమ్మద్ రెజా సిద్దఘీ సాబెర్ను కొన్నేళ్ల క్రితమే అమెరికా ప్రభుత్వం ఆంక్షల జాబితాలో చేర్చింది. ఆయన ఇరాన్కు చెందిన 'ఆర్గనైజేషన్ ఆఫ్ డిఫెన్స్ ఇన్నోవేషన్ రీసెర్చ్' (రక్షణ ఆవిష్కరణల పరిశోధనా సంస్థ) పరిధిలోని షహిద్ కరీమి గ్రూప్నకు నాయకత్వం వహిస్తున్నారు. ఈ సంస్థ ప్రధానంగా పేలుడు పదార్థాలకు సంబంధించిన ప్రాజెక్టులపై పనిచేస్తుంది. అంతేకాకుండా, అణు సంబంధిత పేలుడు పరికరాల తయారీ ప్రాజెక్టులో కూడా సాబెర్ కీలక భూమిక పోషిస్తున్నారు. కొన్నాళ్ల క్రితం సాబెర్ 17 ఏళ్ల కుమారుడు కూడా ఇజ్రాయెల్ జరిపిన దాడిలోనే ప్రాణాలు కోల్పోవడం గమనార్హం.
ఇటీవలి కాలంలో ఇరాన్లోని కీలక అణు కేంద్రాలపై ఇజ్రాయెల్ భారీ దాడులకు పాల్పడిన విషయం తెలిసిందే. ఇస్ఫహాన్, ఫోర్డో, నతాంజ్లలో ఉన్న అణు కేంద్రాలను లక్ష్యంగా చేసుకుని దాదాపు 14 బంకర్బస్టర్ బాంబులతో విరుచుకుపడింది. ఈ దాడుల కారణంగా ఆ కేంద్రాలు తీవ్రంగా దెబ్బతిన్నాయని, ఫలితంగా ఇరాన్ అణు కార్యక్రమానికి తీవ్ర నష్టం వాటిల్లిందని అమెరికా వర్గాలు అంచనా వేస్తున్నాయి. ఇటువంటి క్లిష్ట సమయంలో మరో కీలక అణు శాస్త్రవేత్త ప్రాణాలు కోల్పోవడం టెహ్రాన్ ప్రభుత్వానికి ఊహించని పరిణామంగా మారింది.
సయ్యద్ మహమ్మద్ రెజా సిద్దఘీ సాబెర్ను కొన్నేళ్ల క్రితమే అమెరికా ప్రభుత్వం ఆంక్షల జాబితాలో చేర్చింది. ఆయన ఇరాన్కు చెందిన 'ఆర్గనైజేషన్ ఆఫ్ డిఫెన్స్ ఇన్నోవేషన్ రీసెర్చ్' (రక్షణ ఆవిష్కరణల పరిశోధనా సంస్థ) పరిధిలోని షహిద్ కరీమి గ్రూప్నకు నాయకత్వం వహిస్తున్నారు. ఈ సంస్థ ప్రధానంగా పేలుడు పదార్థాలకు సంబంధించిన ప్రాజెక్టులపై పనిచేస్తుంది. అంతేకాకుండా, అణు సంబంధిత పేలుడు పరికరాల తయారీ ప్రాజెక్టులో కూడా సాబెర్ కీలక భూమిక పోషిస్తున్నారు. కొన్నాళ్ల క్రితం సాబెర్ 17 ఏళ్ల కుమారుడు కూడా ఇజ్రాయెల్ జరిపిన దాడిలోనే ప్రాణాలు కోల్పోవడం గమనార్హం.
ఇటీవలి కాలంలో ఇరాన్లోని కీలక అణు కేంద్రాలపై ఇజ్రాయెల్ భారీ దాడులకు పాల్పడిన విషయం తెలిసిందే. ఇస్ఫహాన్, ఫోర్డో, నతాంజ్లలో ఉన్న అణు కేంద్రాలను లక్ష్యంగా చేసుకుని దాదాపు 14 బంకర్బస్టర్ బాంబులతో విరుచుకుపడింది. ఈ దాడుల కారణంగా ఆ కేంద్రాలు తీవ్రంగా దెబ్బతిన్నాయని, ఫలితంగా ఇరాన్ అణు కార్యక్రమానికి తీవ్ర నష్టం వాటిల్లిందని అమెరికా వర్గాలు అంచనా వేస్తున్నాయి. ఇటువంటి క్లిష్ట సమయంలో మరో కీలక అణు శాస్త్రవేత్త ప్రాణాలు కోల్పోవడం టెహ్రాన్ ప్రభుత్వానికి ఊహించని పరిణామంగా మారింది.
