జగన్ నేర స్వభావి: ధూళిపాళ్ల నరేంద్ర
మాజీ ముఖ్యమంత్రి జగన్ పై పొన్నూరు ఎమ్మెల్యే ధూళిపాళ్ల నరేంద్ర కుమార్ తీవ్రస్థాయిలో ధ్వజమెత్తారు. జగన్ ఒక నేరపూరిత స్వభావం కలిగిన వ్యక్తి అని ఆయన విమర్శించారు. క్రిమినల్ ముఖ్యమంత్రికి, రాష్ట్రాన్ని అభివృద్ధి పథంలో నడిపించే ముఖ్యమంత్రికి మధ్య తేడాను ప్రజలు జగన్, చంద్రబాబుల పాలనను చూసి తెలుసుకోవచ్చని ధూళిపాళ్ల అన్నారు.
యువతను తప్పుదోవ పట్టించి, వారిని నేర కార్యకలాపాల వైపు ఉసిగొల్పుతున్నారని జగన్పై ఆయన తీవ్రస్థాయిలో మండిపడ్డారు. గత జగన్ ప్రభుత్వ హయాంలో పోలీసు యంత్రాంగంపై తీవ్ర ఒత్తిడి తీసుకొచ్చి, తెలుగుదేశం పార్టీ నాయకులు, కార్యకర్తలపై అక్రమంగా కేసులు నమోదు చేయించారని ఆరోపించారు. యువతను ఈ విధంగా తప్పుదారి పట్టించడం పట్ల ఆయన తీవ్ర ఆందోళన వ్యక్తం చేశారు.
ఇదిలా ఉండగా, ఈ ఉదయం చింతలపూడి గ్రామంలో ధూళిపాళ్ల రైతులకు వ్యవసాయ డ్రోన్లను అందజేశారు. ఈ సందర్భంగా ఆయన మాట్లాడుతూ, ప్రస్తుత పరిస్థితుల్లో వ్యవసాయంలో సాంకేతిక పరిజ్ఞానాన్ని ఉపయోగించడం చాలా అవసరమని స్పష్టం చేశారు. కూలీల కొరతను అధిగమించడానికి వ్యవసాయ పరికరాలు, యాంత్రీకరణ ఎంతగానో దోహదపడతాయని తెలిపారు.
డ్రోన్ల వాడకం వల్ల పురుగుమందుల పిచికారీలో రైతులకు ఎదురయ్యే శ్రమ తగ్గుతుందని వివరించారు. కేంద్ర, రాష్ట్ర ప్రభుత్వాలు సంయుక్తంగా 80 శాతం రాయితీపై ఈ డ్రోన్లను అందిస్తున్నాయని పేర్కొన్నారు. గ్రామంలో విద్యావంతులైన యువతకు డ్రోన్ల వినియోగంపై ప్రత్యేక శిక్షణ ఇస్తున్నామని, తద్వారా వారికి ఉపాధి అవకాశాలు కూడా లభిస్తాయని ధూళిపాళ్ల వెల్లడించారు. రైతులను సంఘటిత పరిచి, బృందాలుగా ఏర్పాటు చేసి డ్రోన్లను పంపిణీ చేస్తున్నట్లు ఆయన వివరించారు.
యువతను తప్పుదోవ పట్టించి, వారిని నేర కార్యకలాపాల వైపు ఉసిగొల్పుతున్నారని జగన్పై ఆయన తీవ్రస్థాయిలో మండిపడ్డారు. గత జగన్ ప్రభుత్వ హయాంలో పోలీసు యంత్రాంగంపై తీవ్ర ఒత్తిడి తీసుకొచ్చి, తెలుగుదేశం పార్టీ నాయకులు, కార్యకర్తలపై అక్రమంగా కేసులు నమోదు చేయించారని ఆరోపించారు. యువతను ఈ విధంగా తప్పుదారి పట్టించడం పట్ల ఆయన తీవ్ర ఆందోళన వ్యక్తం చేశారు.
ఇదిలా ఉండగా, ఈ ఉదయం చింతలపూడి గ్రామంలో ధూళిపాళ్ల రైతులకు వ్యవసాయ డ్రోన్లను అందజేశారు. ఈ సందర్భంగా ఆయన మాట్లాడుతూ, ప్రస్తుత పరిస్థితుల్లో వ్యవసాయంలో సాంకేతిక పరిజ్ఞానాన్ని ఉపయోగించడం చాలా అవసరమని స్పష్టం చేశారు. కూలీల కొరతను అధిగమించడానికి వ్యవసాయ పరికరాలు, యాంత్రీకరణ ఎంతగానో దోహదపడతాయని తెలిపారు.
డ్రోన్ల వాడకం వల్ల పురుగుమందుల పిచికారీలో రైతులకు ఎదురయ్యే శ్రమ తగ్గుతుందని వివరించారు. కేంద్ర, రాష్ట్ర ప్రభుత్వాలు సంయుక్తంగా 80 శాతం రాయితీపై ఈ డ్రోన్లను అందిస్తున్నాయని పేర్కొన్నారు. గ్రామంలో విద్యావంతులైన యువతకు డ్రోన్ల వినియోగంపై ప్రత్యేక శిక్షణ ఇస్తున్నామని, తద్వారా వారికి ఉపాధి అవకాశాలు కూడా లభిస్తాయని ధూళిపాళ్ల వెల్లడించారు. రైతులను సంఘటిత పరిచి, బృందాలుగా ఏర్పాటు చేసి డ్రోన్లను పంపిణీ చేస్తున్నట్లు ఆయన వివరించారు.