Jamnagar illegal construction: జామ్నగర్లో అక్రమ మత కట్టడం కూల్చివేత.. లోపల బయటపడ్డ విలాసాలు!
గుజరాత్లోని జామ్నగర్లో అక్రమంగా నిర్మించిన ఓ మతపరమైన స్థలంలో బయటపడిన విలాసవంతమైన సౌకర్యాలు అందరినీ ఆశ్చర్యపరిచాయి. 11,000 చదరపు అడుగుల విస్తీర్ణంలో నిర్మించిన ఈ కట్టడంలో స్విమ్మింగ్ పూల్, అధునాతన బాత్టబ్, విశాలమైన గదులు వంటి అనేక విలాసవంతమైన వసతులు ఉన్నట్టు అధికారులు గుర్తించారు. ఈ అక్రమ నిర్మాణం నగరంలోని బచ్చునగర్ ప్రాంతంలో ఉందని, దీనిని అధికారులు ఇతర అక్రమ కట్టడాలతో పాటు కూల్చివేశారని పోలీసులు తెలిపారు. ఈ మతపరమైన స్థలాన్ని అక్రమ కార్యకలాపాల కోసం ఉపయోగిస్తున్నారనే అనుమానాలు వ్యక్తమవుతున్నాయి.
అక్రమ కట్టడాలు నాగమతి నది ప్రవాహానికి అడ్డంకిగా మారాయని పోలీసులు తెలిపారు. నదీ ప్రవాహాన్ని పునరుద్ధరించేందుకే కూల్చివేతలు చేపట్టినట్టు పేర్కొన్నారు. అక్రమంగా నిర్మించిన మత కట్టడంతోపాటు ఇతర అక్రమ నిర్మాణాలను కూల్చివేశామని, అక్కడ ఒక ఫామ్హౌస్, స్విమ్మింగ్ పూల్, బాత్టబ్, విశాలమైన గదులను గుర్తించామని వివరించారు.
కూల్చివేతల సమయంలో ఆకర్షణీయమైన, రంగురంగుల మార్బుల్ టైల్స్తో అలంకరించిన అనేక విశాలమైన గదులను పోలీసులు కనుగొన్నారు. ఒక ప్రత్యేక గదిలో అత్యాధునికమైన బాత్టబ్ కూడా ఉంది. ఆ బాత్టబ్ ఉన్న గది తలుపుపై ‘బయటి వ్యక్తులకు ప్రవేశం లేదు’ అని రాసి ఉన్న ఓ నోటీసును అంటించి ఉండటం గమనార్హం. ఈ మతపరమైన స్థలంలో ఎలాంటి కానుకలు గానీ, డబ్బు గానీ స్వీకరించబోమని తెలిపే ఓ ప్రకటన కూడా ఉంది. ఇంతటి విలాసవంతమైన నిర్మాణానికి నిధులు ఎక్కడి నుంచి వచ్చాయనేది ఇప్పుడు ప్రశ్నార్థకంగా మారింది. ప్రస్తుతం ఈ అక్రమ మతపరమైన స్థలం యజమానులు పరారీలో ఉన్నారని, వారిని పట్టుకోవడానికి పోలీసులు ముమ్మరంగా గాలింపు చర్యలు చేపట్టారని ఎస్పీ ప్రేమసుఖ్ డేలు తెలిపారు.
అక్రమ కట్టడాలు నాగమతి నది ప్రవాహానికి అడ్డంకిగా మారాయని పోలీసులు తెలిపారు. నదీ ప్రవాహాన్ని పునరుద్ధరించేందుకే కూల్చివేతలు చేపట్టినట్టు పేర్కొన్నారు. అక్రమంగా నిర్మించిన మత కట్టడంతోపాటు ఇతర అక్రమ నిర్మాణాలను కూల్చివేశామని, అక్కడ ఒక ఫామ్హౌస్, స్విమ్మింగ్ పూల్, బాత్టబ్, విశాలమైన గదులను గుర్తించామని వివరించారు.
కూల్చివేతల సమయంలో ఆకర్షణీయమైన, రంగురంగుల మార్బుల్ టైల్స్తో అలంకరించిన అనేక విశాలమైన గదులను పోలీసులు కనుగొన్నారు. ఒక ప్రత్యేక గదిలో అత్యాధునికమైన బాత్టబ్ కూడా ఉంది. ఆ బాత్టబ్ ఉన్న గది తలుపుపై ‘బయటి వ్యక్తులకు ప్రవేశం లేదు’ అని రాసి ఉన్న ఓ నోటీసును అంటించి ఉండటం గమనార్హం. ఈ మతపరమైన స్థలంలో ఎలాంటి కానుకలు గానీ, డబ్బు గానీ స్వీకరించబోమని తెలిపే ఓ ప్రకటన కూడా ఉంది. ఇంతటి విలాసవంతమైన నిర్మాణానికి నిధులు ఎక్కడి నుంచి వచ్చాయనేది ఇప్పుడు ప్రశ్నార్థకంగా మారింది. ప్రస్తుతం ఈ అక్రమ మతపరమైన స్థలం యజమానులు పరారీలో ఉన్నారని, వారిని పట్టుకోవడానికి పోలీసులు ముమ్మరంగా గాలింపు చర్యలు చేపట్టారని ఎస్పీ ప్రేమసుఖ్ డేలు తెలిపారు.
